延燒肉

Open Now

Now Closed

今日放假同朋友去PMQ行完諗住喺附近搵餐廳食，行過九如坊就見咗一間新開食燒肉嘅餐廳叫「延燒肉」，見價錢經濟實惠就入咗去食晚餐。我哋想試多幾款肉，揀咗自選COMBO套餐，每人只需$268就可以食到兩款肉類、蔬菜碟、餐湯、前菜、白飯同雪糕，絕對係性價比之選！🍊肉類我哋嗌咗四款肉，分別係日本宮崎豚肉、薄切鹽燒牛舌、澳洲精選和牛同美國黑安格斯牛肉，全部肉類都有師傅即時喺席前用機器切割，肉質非常鮮嫩，唔會有雪藏嘅口感，而肉類喺上菜前都會預先用餐廳特製嘅甜醬油醃製，所以燒熟後直接食就已經好入味，唔需要點調味料！🍊配菜除咗肉類之外，最令人驚喜嘅係餐湯，飲落去較其他餐廳嘅麵豉湯更為濃味，問返職員先知道餐廳用咗整片去骨三文魚腩去煮，而並非只使用三文魚頭或魚尾，所以個餐湯非常鮮甜濃味；另外仲有一盤蔬菜，包括杏鮑菇、翠玉瓜、黃椒，食材用料新鮮。🍊甜品甜品係餐廳自家製嘅豆腐雪糕，口感非常綿滑細膩，豆腐嘅味道濃郁突出，清新嘅豆腐雪糕可以為油膩嘅燒肉解膩，一食難忘。📍上環九如坊6-10號林氏大廈地下B號舖位置就腳：🍊🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊🍊