SOW

Open Now

Now Closed

今日去咗上環一間叫「SOW」嘅餐廳食Fusion菜，一見到個餐牌就知道呢間係玩西班牙菜同粵菜嘅混合菜式，好多玩味好重嘅菜式都好想試；餐廳嘅裝修非常新淨，昏暗嘅燈光好有情調，播放住柔和嘅英文歌，職員亦都好熱情，每上一道菜都會細心講解菜式。🍊 金沙鹹蛋黃單骨雞翼邪惡嘅鹹蛋黃醬非常惹味，單骨雞翼新鮮炸起後撈埋鹹蛋黃醬一齊炒，每一件雞翼都好入味，而且單骨食落非常方便，份量亦都好多🍊 西班牙脆豬腩夾膜夾膜有兩份，一人一件，用咗粵菜夾膜嘅做法，而主菜餡料用咗西班牙豬腩肉，用饅頭包皮配青蔥絲、青瓜絲同海鮮醬包住肥美嘅豬腩肉，咬落去外軟內脆，口感層次豐富🍊 西班牙乳豬極度推薦大家呢一款西班牙乳豬，乳豬皮烤到非常香脆，乳豬肉非常嫩滑，而且乳豬肉同油脂層次分明，咬落去一啖有齊嫩肉、油脂同脆皮三種口感，配埋蜜糖芥末醬一齊食，但係有少許甜味；配菜嘅焗薯蓉亦都非常幼滑，配埋黑松露醬非常香口🍊 西班牙黑毛豬魷魚鹹蛋黃煲仔飯非一般嘅煲仔飯，肉餅用咗西班牙黑毛豬，食落去豬味更為濃郁，比一般嘅粵式肉餅更好食；炸魷魚主要係條狀，食落爽口；鹹蛋黃撈埋喺飯入面，而且有飯焦，配合餐廳自家製嘅煲仔飯豉油好惹味🍊 Night Wh