一起食堂 (域多利皇后街)

Open Now

Now Closed

繼續中環覓食，好慘地發現最想食嘅原來無做晚市，三哥廣告一出第一晚好多人，去食呢間台灣嘢。可能係地鋪，格價係貴啲。油豆腐什菜烏龍麵，69元，湯頭可以，蘿蔔配料夠味，烏龍麵麵身剛好，唔會過淋。花雕麻油雞湯麵，89元，配料豐富好多，湯頭算係甜，另外自己加酒，即刻更香。雞係滑，入口即化。鹽酥雞，38元，炸得剛剛，唔會過咸，係雞肉部分如果多番小小會更好。滷牛腱，48元，滷得算夠，肉都唔差。星期一夜晚會係靜啲，再加上啲人睇完波（雖然我都係），係想食濃味啲嘅嘢。