Video
Read full review
2022-10-26
892 views
身邊都有唔少人同我介紹過Fini‘s呢間意大利餐廳，鍾意食嘢嘅我一聽到可以任食就已經非常期待，終於上星期午餐嘅時候就訂左位去試一試。餐廳設有吧枱及開放式廚房，入面都算幾多檯環境寬敞，但午飯時間慢慢都會開始多人要等位，建議大家都提早打個電話預約。———————————————🌟Fini’s Famous Margherita $280成份Pizza都算幾巨型，非常適合打卡。而配料味道方面其實同一般嘅Margherita分別不大，唯一值得表揚嘅係佢個餅底非常香濃嘅麥味，而且焗得非常乾身同好有咬口，唔係果種非常油膩嘅餅邊，非常適合鍾意食麵包嘅朋友仔！.🌟Antipasti Buffet Only $139我一直最期待嘅就係呢個Buffet，但結果其實係有少少失望。前菜方面其實好多基本嘢例如麵包、沙律、芝士都有齊，但真正吸引嘅肉類實在係非常少，只有兩種火腿可以選擇，其他全部都係素食。服務方面，餐廳添食物嘅速度同份量都有改善空間，好多時啱啱拎出嚟就已經冇曬，供應跟唔上需求。.🌟Dry Rubbed Steak $ Fries (With Antipasti Buffet) $199牛扒反而係有意
———————————————
🌟Fini’s Famous Margherita $280
成份Pizza都算幾巨型，非常適合打卡。而配料味道方面其實同一般嘅Margherita分別不大，唯一值得表揚嘅係佢個餅底非常香濃嘅麥味，而且焗得非常乾身同好有咬口，唔係果種非常油膩嘅餅邊，非常適合鍾意食麵包嘅朋友仔！
.
🌟Antipasti Buffet Only $139
我一直最期待嘅就係呢個Buffet，但結果其實係有少少失望。前菜方面其實好多基本嘢例如麵包、沙律、芝士都有齊，但真正吸引嘅肉類實在係非常少，只有兩種火腿可以選擇，其他全部都係素食。服務方面，餐廳添食物嘅速度同份量都有改善空間，好多時啱啱拎出嚟就已經冇曬，供應跟唔上需求。
.
🌟Dry Rubbed Steak $ Fries (With Antipasti Buffet) $199
牛扒反而係有意外嘅驚喜，我哋叫咗Medium-rare，熟成度啱啱好，食落牛肉味道亦足夠濃郁，肉質方面夠腍亦唔會乾身。
.
🌟Penne Alla Vodka (With Antipasti Buffet) $169
呢碟菜式其實就係用紅醬、伏特加酒混合嘅醬汁煮長通粉，係一種常見嘅意大利麵。長通粉比起一般意粉相對煙韌有咬口，本身都有擔心過酒味會偏苦，但食落幾乎都冇酒味，酒主要都係調香同提味作用，令醬汁味道昇華。
.
🔶整體評價🔶
餐廳環境確實係好Chill，好適合大家聚餐，鍾意外國風啲仲可以叫杯啤酒坐Bar枱慢慢嘆。食物整體其實同期望有落差，始終一開始係好期待佢嘅半自助餐，但結果發現食物種類偏少同唔太吸引。相反佢本身嘅菜式味道幾好，除左以上特別點評嘅菜式外，我亦另外再叫咗其他意粉同肉類，味道都唔錯，但我個人都係會推介大家叫佢嘅牛扒，味道同口感都比部份扒房真係更出色。
.
🔸味道：6/10
🔸環境：8/10
🔸服務：6/10
🔸打卡指數：6/10
———————————————
🍽️Fini's (蘇豪)
📍中環蘇豪伊利近街49號地舖
G/F, 49 Elgin Street, Soho, Central
———————————————
👉🏻#hkchiller美食地圖_中環
👉🏻#hkchiller午餐推介
👉🏻#hkchiller_西餐
Post
