Video
Read full review
2022-11-20
188 views
最近發掘咗一間一定會回訪嘅餐廳🍴！🇫🇷呢間法式餐廳以19世紀著名風格派藝術家 Piet Mondrian👨🎨嘅作品為設計靈感, 環境充滿歐洲風格𓍯 分成兩層：樓下係酒吧區, 中央有個型格雞尾酒吧檯, 可以品嘗各種精心製作嘅手工雞尾酒🍹; 樓上就係露天用餐區, 環境優雅, 滿載情調的, 環境令人舒適放鬆, 係同朋友聚餐嘅好地點！ 法式餐館將新鮮地道食材融入法菜, 只提供一個三道菜法式晚市套餐, 主食可以選擇美國黑安格斯西冷牛扒或原隻美國波士頓緬因州龍蝦。甜品方面, 可以揀朱古力梳乎厘或自家製柚子芝士蛋糕🍰⸝⸝ 仲可以無限添加薯條🍟及蔬菜🥬, 每一個dish 都好出色, 好享受整個用餐體驗呢🍽 會先提供自家製sorudough, 上枱時仲係冒煙的, 店員話係啱啱焗起㗎！第一次喺餐廳食到新鮮熱辣辣嘅麵包🍞, 超讚👍🏻！外皮焦香鬆脆, 內裡香軟, 有麥香, 有酸種麵包嘅獨特風味⸝⸝ 𓆸🥗⸝⸝ 法式沙律有紅菜頭、合桃、洋蔥、蕃茄、沙律菜, 上面灑上黑椒, 味道非常清新, 令人開胃, 而且口感好豐富！🥩⸝⸝ 美國黑安格斯西冷牛扒 (10安士)叫咗 medium-rare, 熟度剛剛好, 另外會配
🇫🇷呢間法式餐廳以19世紀著名風格派藝術家 Piet Mondrian👨🎨嘅作品為設計靈感, 環境充滿歐洲風格𓍯
分成兩層：樓下係酒吧區, 中央有個型格雞尾酒吧檯, 可以品嘗各種精心製作嘅手工雞尾酒🍹; 樓上就係露天用餐區, 環境優雅, 滿載情調的, 環境令人舒適放鬆, 係同朋友聚餐嘅好地點！
法式餐館將新鮮地道食材融入法菜, 只提供一個三道菜法式晚市套餐, 主食可以選擇美國黑安格斯西冷牛扒或原隻美國波士頓緬因州龍蝦。甜品方面, 可以揀朱古力梳乎厘或自家製柚子芝士蛋糕🍰⸝⸝
仲可以無限添加薯條🍟及蔬菜🥬, 每一個dish 都好出色, 好享受整個用餐體驗呢🍽
會先提供自家製sorudough, 上枱時仲係冒煙的, 店員話係啱啱焗起㗎！第一次喺餐廳食到新鮮熱辣辣嘅麵包🍞, 超讚👍🏻！外皮焦香鬆脆, 內裡香軟, 有麥香, 有酸種麵包嘅獨特風味⸝⸝ 𓆸
🥗⸝⸝ 法式沙律
有紅菜頭、合桃、洋蔥、蕃茄、沙律菜, 上面灑上黑椒, 味道非常清新, 令人開胃, 而且口感好豐富！
🥩⸝⸝ 美國黑安格斯西冷牛扒 (10安士)
叫咗 medium-rare, 熟度剛剛好, 另外會配上胡椒醬及蛋黃醬。西冷牛扒肉質鮮嫩多汁, 牛味香濃, 脂肪分佈如大理石紋, 紋理細緻, 油脂柔嫩厚實⸝⸝
🦞⸝⸝ 波士頓緬因州龍蝦
以牛油蒜香點綴, 帶出有層次嘅鮮味, 有著鮮嫩彈牙嘅細緻肉質, 肉汁豐富, 蝦身有膏, 非常鮮美！
𓌈⸝⸝ 可麗露 Canelé
呢款法式小甜點真係一試難忘！剛烤好嘅Canelé 外皮偏硬, 有酥脆嘅口感, 帶著濃郁嘅焦糖香氣～ 內裡Q彈, 濕潤軟綿, 入口咬開有焦糖香味及淡淡酒香, 亦有著濃濃嘅蛋香, 充滿法式風味～
🍫⸝⸝ 朱古力梳乎厘
選用72% Valrhona黑朱古力製作, 朱古力味超濃郁！口感輕盈, 裏面好鬆軟, 又唔會太甜, 配上雲呢拿雪糕, 一冷一熱雙重口感, 為晚餐畫上一個完美嘅句號。
🍰⸝⸝ 柚子芝士蛋糕
用日本忌廉芝士及柚子汁製作,
芝士蛋糕口感輕盈, 軟綿柔滑, 入口有清香獨特嘅柚子味, 甜而不膩💛
Post
