土司工坊 (信德中心)

Open Now

Now Closed

【中西區】【土司工坊】一直都以為呢間嘢叫吐司工房，所以點都冇 search 到，原來佢係叫「土司工坊」，喺香港同新加坡等地都見過佢，係食新加坡嘢嘅。由於都係食啲類似嘅嘢，所以都會將佢同亞坤比較。我自己覺得差唔多，分別係唔大嘅。去澳門之前喺信德等上船，就叫佢 $42 嘅「傳統土司套餐」嚟食吓，都係咖央多士嗰啲，但等嘅時間都有啲耐，爭啲攪到我上唔到船。味道上，佢都可以話做到嘢嘅，正正常常咖央多士咁，不過質素穩定都係佢好大嘅優點嚟。配菜，我冇強調要乜，居然就直接畀兩隻煎蛋，明明呢個餐理應係包半熟蛋嘅，食落感覺唔好。嘢飲加 $5 飲「凍咖啡」，唔錯嘅。而我仲另外用 $18 買咗件「斑蘭蛋糕」外賣行住食，淡口咗啲。咁樣夾埋就 $65，唔貴呀。之後食多次佢，午市肚餓，食個 $85 嘅「新加坡海南雞叻沙」，食住叻沙有海南雞係幾好，但海南雞完全冇去過骨又有啲奇怪。嘢飲要加 $5 嘅「凍美祿」，my favourite。另外叫 $10 碟「半熟蛋」，係我好喜歡嘅，加埋啱啱好 $100。。。（地址：上環干諾道中200號信德中心2樓239-240號舖）#1amfoodie #foodie #hkfoodie