仁芝初

Open Now

Now Closed

【九龍城區】【仁芝初】同朋友行經黃埔有啲攰，想搵間餐廳坐下。之前同大家介紹過嘅，都係一啲串燒店或者刀削麵店，感覺都唔係好適合而家呢個處境。都係想搵個靜靜哋嘅地方坐吓，飲杯嘢或者食啲輕食咁。喺黃埔嘅唐樓堆入面就搵到呢間真係幾隱世嘅甜品店，就入去試吓。我就試咗碗 $32 嘅「白果薏米腐竹拼芋茸西米露」，佢係由兩種糖水撈埋一齊整出嚟嘅，但係白果薏米腐竹同埋芋茸西米露互相都發揮到自己嘅味道。我初初都怕芋茸味會搶晒其他味，但係最後都冇，腐竹糖水個味都好出，所以我覺得整體質素係唔錯嘅。另外我仲試咗 $42 嘅「芒果奶凍」，芒果好甜，勁邪惡，而個奶凍亦都好滑，而且份量都唔細，幾好。而朋友就試咗碗 $44 嘅「楊枝甘露」，佢話可以嘅，都好快食晒，證明唔錯。埋單 $118，附近都冇乜呢啲可以靜靜哋食糖水嘅地方，同埋仲有啲偶像應援物。。。（地址：紅磡德民街29號德民大廈地下J2號舖）@art.of.dessert_#1amfoodie #foodie #hkfoodie #thatfoodiething #hkfood #food #instafood #yummy #foodlover #delicio