厚福館 (黃埔天地) (Closed)

【九龍城區】【厚福館】通頂做嘢，中午迷迷糊糊之間同個同事去咗黃埔，佢係咁喺度講嘢，其實我都唔知有冇一半入到腦，攰到一個點，全靠意志力支撐住。佢同我講呢間打邊爐點好食點好食，我心諗，「把聲勁溫柔」，都係去一去現場試吓佢啦。我哋既然中午嚟，就一人叫一個「午市靚料靚湯一人火鍋麵餐」啦，我叫個「足料佛跳牆」，有「鮑魚」一隻、「花膠」兩件、「螺片」三片、「素翅」一堆、「雞髀肉」四件同埋墊底「生菜」兩片，配「佛跳牆湯」。食落個湯底係幾夠鮮味，果然係對湯底有自信而衍生嘅一人套餐，啲餸都幾好，不過其實如果淨係講個湯配上我跟餐揀嘅「上海陽春麵」已經好好食，個湯裡面依稀仲食到啲好似金華火腿之類嘅嘢，$78 嚟講算幾有交待喇。同事叫咗個「金山翅拌雞」，有「雞髀肉」八件、「野生竹笙」一條、「素翅」、「火腿片」、「生菜」兩片，佢跟餐麵食叫咗「吸湯米線」，佢話總體而言好似冇我嗰個咁好食，我嗰個會濃啲咁，佢嗰份都係 $78。爭啲唔記得講嘢飲，不過跟餐嗰啲嘢飲嘅選擇都唔算特別，我哋都係揀「道地纖解茶」，係細膠樽裝嗰隻嚟。另外我哋都叫咗啲火鍋料打吓邊爐，首先係 $98 雙拼「手打鮮牛丸」同「手打墨粒丸」，都幾普通吓，冇