Video
Read full review
2023-05-06
776 views
【九龍城區】【榮發粉麵專家】紅磡舊區重建發展得如火如荼，之前其實有好多間餐廳嘅位置都清理得八八九九。之前頗受區內居民歡迎嘅百景好餐廳、老字號嘅洽興粉麵，甚至係以閩南語為主要溝通語言嘅利源都冇再營業，食唔到佢哋個煎肉餅飯同特濃阿華田喇。反而有另一間粉麵店，之前都幫襯過佢哋幾次嘅榮發，就搵到新舖喎，搬後咗一條街去到寶其利街，就喺個街口處，反而新舖呢個位好似仲好咁。醒目嘅招牌，精神嘅門面，感覺已經唔再走以前好似家庭式咁嘅感覺，不過都係咁多人食。首先我叫咗個「柱候牛根腩粗麵」，牛腩一向唔係呢度嘅招牌菜，我都係第一次食。食落都係偏鞋口，同埋有幾分碎。牛筋都好難整得唔好食，佢哋都係正正常常，不過不失咁啦。碗麵我係配粗麵，一向都係粗麵 fans，佢哋都整得 okay。就咁一碗嘢邊夠我食吖，所以之後叫咗個三拼淨食，包括有「爽滑魚蛋」、「鮮蝦雲呑」同埋「鳳城水餃」，魚蛋係一如以往嘅正，不嬲都係具質素嘅味道。雲呑同水餃都係正正常常，都係合情合理嘅味道，略嫌鹼水感覺重咗啲，牙齒有啲不適。飲品我就飲「玉泉忌廉」，都係罐裝嘢，之前喺舊舖年代都飲過佢哋啲奶茶檸茶，冇乜特別，亦都唔想喺啲普普通通嘅嘢上面糾纏咁耐。正
反而有另一間粉麵店，之前都幫襯過佢哋幾次嘅榮發，就搵到新舖喎，搬後咗一條街去到寶其利街，就喺個街口處，反而新舖呢個位好似仲好咁。醒目嘅招牌，精神嘅門面，感覺已經唔再走以前好似家庭式咁嘅感覺，不過都係咁多人食。
首先我叫咗個「柱候牛根腩粗麵」，牛腩一向唔係呢度嘅招牌菜，我都係第一次食。食落都係偏鞋口，同埋有幾分碎。牛筋都好難整得唔好食，佢哋都係正正常常，不過不失咁啦。碗麵我係配粗麵，一向都係粗麵 fans，佢哋都整得 okay。
就咁一碗嘢邊夠我食吖，所以之後叫咗個三拼淨食，包括有「爽滑魚蛋」、「鮮蝦雲呑」同埋「鳳城水餃」，魚蛋係一如以往嘅正，不嬲都係具質素嘅味道。雲呑同水餃都係正正常常，都係合情合理嘅味道，略嫌鹼水感覺重咗啲，牙齒有啲不適。
飲品我就飲「玉泉忌廉」，都係罐裝嘢，之前喺舊舖年代都飲過佢哋啲奶茶檸茶，冇乜特別，亦都唔想喺啲普普通通嘅嘢上面糾纏咁耐。正如呢間嘢嘅另一款名物「豬手」咁，我喺舊舖食過都覺得麻麻哋，所以今次去都冇諗住話要試佢咁喇。
食吓粉麵食咗 $83 都係想食多啲嘢畀大家睇，本身食一碗嘅話唔使咁貴嘅。咁人哋唔係貴嘅，無謂屈人，咁就唔多好。最近收到不同嘅朋友話我收咗火，寫啲嘢溫和咗。雖然都未「溫和過溫和達」，但係都同自己之前嘅寫作風格略有不同咁。
初初一個講嗰時我都唔信，到第二個咁講我就有些少動搖喇。不過抽返個身出嚟諗都係合理嘅，呢排發生咗咁多事，放低咗啲稜角同戾氣都係正常。雖然我係以呢個帳户嘅身份被某間「扮黃餐廳」主事人屈，但係嗰啲嘢我等到時大結局先寫啦。。。
（地址：紅磡寶其利街59-67號寶威大廈地下1號舖）
Post
