榮發粉麵專家

Open Now

Now Closed

呢間麵店嘅出品真係唔錯，叫咗雲吞、水餃、牛腩同炸魚皮，洋洋都做得幾有水準。雲吞屬於係適中size唔係超級大粒，又唔係細細粒嗰啲雲吞，入面嘅餡料好新鮮，隻蝦嘅肉質都幾有彈性。水餃粗麵嘅水餃都好新鮮，入面啲餡有木耳絲，所以都幾爽口，水餃皮雖然柔軟，但係又唔會好容易一夾就散開晒。牛腩米粉嘅牛腩炆得好入味，啲牛筋好正，牛腩唔會韌，印象中好耐冇食過咁好味嘅牛腩，而且佢個份量都OK。佢嘅炸魚皮質素都唔錯，比較硬身厚身，點一點碗上湯再食就Perfect。

呢間粉麵店又抵食又好食，兩個人叫到成枱嘢都係$152。牛筋腩麵啲牛腩同牛筋都好入味，而且煮得好淋，而且都有好多舊牛筋腩。鳳城水餃粗麵啲水餃又真係做得幾好，水餃入面嘅餡料好新鮮，特別係個木耳好爽口，個麵冇鹼水味。淨雲吞一碗share食，個湯入面嘅韭黃好香，雲吞入面啲蝦都幾新鮮，同埋隻蝦都算大。忍唔住叫份炸魚皮嚟食下，都幾脆，而且又冇出曬油，跟埋一小碗高湯比你點。油菜就揀咗芥蘭，健康啲走蠔油走油，新鮮美味。

舊舖以前成日有幫襯開, 搬咗新鋪之後一直冇時間試~ 今次咁啱喺附近去試下!鮮蝦雲吞粗麵湯底好鮮甜, 雲吞入邊啲蝦都幾新鮮同大隻,口感好爽口~好好食!柱侯牛根腩雲吞粗麵,湯底都好鮮甜, 有少少腩汁好惹味~ 牛筋好彈牙,牛腩肉質唔會好鞋, 牛筋腩都好入味好好食~ 粗面味道唔會好鹼水, 幾好食~ 面嘅質地唔會好腍~記得以前好似有分大細size, 而家無左~ 搬咗呢邊舖頭真係光猛同新淨咗好多~ 下次要再嚟試下撈麵同其他野! 見到水餃都幾吸引~

呢一間粉麵店隨時大過我，細細個幫襯到之前因拆樓所以光榮結業，估唔到衣街隔幾條街開返梗係立即去幫襯啦，以前呢度嘅牛腩、牛筋同雲吞係最出色嘅，印象之中魚皮都唔錯。牛腩粗麵牛筋米淨雲吞炸魚皮油菜賽後報告︰牛腩今次雖然偏瘦，不過牛腩同牛筋都炆得好入味，仲要係保留到以前嗰隻味；雲吞感覺上細粒咗少少，不過入面D餡就同以前一樣咁好味；炸魚皮就無以前咁好食，我記得以前係香D嘅；油菜都係咁啦，菜一碟。食得返老店嘅味道真係好開心。

今天試試這間新搬店面，評價不錯的榮發粉麵專家，店內一貫傳統的裝修，小圓檯，鐵圓凳，雖不算闊落，但只兩邊放檯凳，空間感尚可，勝在乾淨企理，喊左一碗雙拼麵$45 - 爽滑魚蛋拼鮮味牛肉湯底用嘅係雲吞麵常用的湯底仲加咗韭黃，味道偏淡，鮮牛肉望落很新鮮，食落很嫩，應該加左少少粉，反而沒咩牛味，還加了蔥感覺有點搶味，魚蛋尚可，少少像墨丸的口感與味道，頗有趣🤔整體味道尚可，表現中規中矩，店員們服務態度都很好，價錢不算太便宜，但依然希望支持一下小店

牛腩麵🍜：😋/牛腩肉燉得非常軟嫩，入口即化，肉質鮮美，口感十足。湯頭清淡卻不乏味道，鮮甜的牛骨湯底與蔬菜的天然甘甜交融在一起，讓我一口接一口地品嚐。配上彈牙的麵條，簡直是絕配！😍整碗牛腩麵的湯底充滿了牛肉的香氣，一吸一嚥，令人陶醉其中。每一口都能品味到細緻的牛腩肉，真的是讓人欲罷不能。🤤/豬膶🐷：😍/今天我嚐到了這家餐廳的招牌菜豬膶，真的是美味到爆炸！💥豬膶切成薄片後入味，肉質鮮嫩多汁，一口咬下去，濃郁的豬肉香氣立刻充斥口腔，讓人食指大動。👌豬膶經過特別的處理，呈粉嫩，入口的口感1軟腍嫩滑，真的是咬不停手！🤤這道菜的風味獨特且口感非常鮮美，讓我非常滿足。配上香氣四溢的自家製辣椒油，更加提升了整體的美味程度。😋

👅話說自己一向好鍾意食粉麵，而朋友咁啱介紹呢一間老字號，所以都想去試吓。 於是放假就同男朋友一齊去食吓🥰佢哋嘅雲吞好出名，所以我就叫咗有雲吞嘅配料，果然雲吞真係好好食👍🏻👍🏻👍🏻👍🏻👍🏻，點埋辣椒冇得頂，不過就咁食都已經好好味，而魚蛋同紫菜都係我鍾意食嘅，所以我就叫埋一齊。我好鍾意落醋同埋多蔥咁樣食係超香口好味道連湯都飲晒🤪。 而佢哋自家製嘅辣椒油都勁好食勁香口👅有得就咁買，因為趕時間所以下次返去食再買走🫰🏻仲有因為掛住食唔記得咗影杯檸檬茶，茶底超級香夠曬濃，檸檬都好新鮮，所以成杯凍檸茶係勁好飲🍹星期日下晝三四點去嘅時候都好多人，好彩咁啱涉到位坐😚😚見到對面個伯伯食豬手撈麵都見到佢食到津津有味，賣相係好正同埋都聞到好香，下次一定要試呢個先得😆😆最後要讚吓店員嘅服務態度都好好，又唔會趕你走，開頭諗食咩嘅時候都冇吹我仲介紹啲熱賣嘅嘢食俾我🙏🏻🥰

【九龍城區】【榮發粉麵專家】紅磡舊區重建發展得如火如荼，之前其實有好多間餐廳嘅位置都清理得八八九九。之前頗受區內居民歡迎嘅百景好餐廳、老字號嘅洽興粉麵，甚至係以閩南語為主要溝通語言嘅利源都冇再營業，食唔到佢哋個煎肉餅飯同特濃阿華田喇。反而有另一間粉麵店，之前都幫襯過佢哋幾次嘅榮發，就搵到新舖喎，搬後咗一條街去到寶其利街，就喺個街口處，反而新舖呢個位好似仲好咁。醒目嘅招牌，精神嘅門面，感覺已經唔再走以前好似家庭式咁嘅感覺，不過都係咁多人食。首先我叫咗個「柱候牛根腩粗麵」，牛腩一向唔係呢度嘅招牌菜，我都係第一次食。食落都係偏鞋口，同埋有幾分碎。牛筋都好難整得唔好食，佢哋都係正正常常，不過不失咁啦。碗麵我係配粗麵，一向都係粗麵 fans，佢哋都整得 okay。就咁一碗嘢邊夠我食吖，所以之後叫咗個三拼淨食，包括有「爽滑魚蛋」、「鮮蝦雲呑」同埋「鳳城水餃」，魚蛋係一如以往嘅正，不嬲都係具質素嘅味道。雲呑同水餃都係正正常常，都係合情合理嘅味道，略嫌鹼水感覺重咗啲，牙齒有啲不適。飲品我就飲「玉泉忌廉」，都係罐裝嘢，之前喺舊舖年代都飲過佢哋啲奶茶檸茶，冇乜特別，亦都唔想喺啲普普通通嘅嘢上面糾纏咁耐。正

2022年10月11日今日去買牛丸同墨魚丸回家打邊爐，因為得兩個人食，所以其實買小量就夠，最後店員比咗8粒黑魚丸，7粒牛丸我，共15粒丸收咗$108，平均每一粒丸$7.2⋯⋯🤔貴，其實唔係問題，之但係質素仲衰過凍肉舖賣嗰啲行貨嘢，四個字「不知所謂」，奸商！

之前因舊址拆樓休業了一段時間，幾個月前終於現址重開👏🏻👏🏻👏🏻這天帶家人來，雖然戴著口罩，店子的大姐姐還是把我認出😀店內坐著的都是街坊，店子一代接一代經營，由大排檔到現在，人情味依舊。～～～～～～～～～～～～～～～～～～～🍜招牌炸醬撈麵拼魚蛋🍜 $48⭐️⭐️⭐️⭐️炸醬麵附有幾條菜，算慷慨，其他麵店可能得一條半條，甚至沒有。炸醬超好味；肉並不是碎到肉末那種，而是粗條的，但這次比較硬（平時吃的不硬的），希望日後有改善；肉條非常掛汁，每條都被醬汁包著，醬汁辣度合我口味又醒胃，正！魚蛋仍是兒時的味道👍🏻👍🏻🍜豬手魚蛋米粉🍜 $40⭐️⭐️⭐️⭐️豬手是有肉而非只有骨無肉的，店子做生意做得老實。豬手炆得腍、入味，是鎮店之寶；家人吃得津津有味！湯底加腩汁，是我們一貫的習慣，如舊的美味。🥗蠔油菜心🥗 $17⭐️⭐️⭐️食材新鮮，家人想吃淋一點的油菜，店子都有做到。～～～～～～～～～～～～～～～～～～～豬手、牛腩、魚蛋、雲呑、炸醬都是這裏的招牌菜。很開心從小吃到大的麵店一直都在❣️吃著每一口都充滿兒時回憶的味道。