阿久根和牛拉麵屋

Open Now

Now Closed

🌖慢煮安格斯牛小排魚介湯沾麵 $138安格斯牛小排表面略為煎過，切開上枱時內裏顏色偏紅，放入熱辣辣魚介湯略略煮一煮，入口非常軟滑；魚介湯味道偏鹹，好彩沾麵比較粗身～食沾麵真係唔好太貪心，放半條入魚介湯內已經好夠味；食到最後記得同師傅講加湯，加咗湯飲落真係好舒服好順喉😌。🌖香煎虎蝦濃蝦湯拉麵 $98一上枱已經聞到煎蝦嘅焦香味，飲落蝦味濃郁，較沾麵幼身嘅拉麵🍜掛滿香噴噴濃蝦湯，鍾意食海鮮嘅朋友一定要黎食；虎蝦超大隻！仲要勁新鮮！配埋龍蝦湯簡直鮮上加鮮🤩。🌗沖繩苦瓜餃子(四件) $48真係有苦瓜嘅甘味，但又唔算好苦，嘗鮮嘅人可以要試吓～🌗墨魚海膽戀 $58黑色墨魚丸包住海膽餡，表面略為炸過比較乾身而且有少少麵粉味。