樂湖刀削麵

Open Now

Now Closed

【元朗區】【樂湖刀削麵】睇得呢度耐或者有留意 story 嘅朋友都會知我耐唔時會入到天水圍閒逛，我唔係要搵啲乜嘢抑或想遇上啲乜嘢，因為我嘅過去已經過去，而過去咗嘅嘢亦可能已經離開咗呢個地方，我唔知，亦都唔需要知，知嚟做乜先。感覺呢件事已經變成一個好似信仰咁嘅嘢，有可能呢一刻體會到嘅嘢先叫愛情，問世間情是何物？你問我我問邊個，所以我選擇活在當下，保持初心就算喇。不過雖然我話似信仰，但係我都唔係喺度煉仙，都係要正常飲食嘅。嚟到新北江，麗江冇開，就嚟咗呢間，坐低叫咗個本身 $49 嘅「雙拼刀削麵套餐」，我加咗個餸所以貴咗十蚊。嗰三個餸我揀咗滷水雞翼、牛肋丸、魚腐，全部都係 menu 寫話佢哋推介嘅。麵底方面我食返刀削麵，水準正常。講吓啲餸，滷水雞翼個汁幾香而隻雞翼本身夠肥美，幾好食。個牛肋丸就有啲普通，不過都唔係差嘅。魚腐就最好，薄薄哋，有少少甜味咁幾得意。碗嘢裡面仲有我另外再加 $10 要嘅「溫泉蛋」，生熟度拿揑得唔錯嘅。嘢飲我要咗杯「凍豆漿」，正正常常嘅質素，冇咩好講，呢杯五蚊都唔使加，跟餐就有嘅。成餐夾埋用咗 $69，我覺得都唔錯，湯底都幾香濃而又唔會得鋪鹹。如果我唔加多款餸同埋唔加隻