886巷 (Closed)

小巷窄街中，有一間隱世嘅台式小店。細細間嘅店舖，但充滿台灣親民及道地口味👅 地道小食款式多而且性價比高，止下口癮都幾好🤩✨ 黑金剛生尚燒 (推廣價$68；$78)中式叉燒相信都已經耳熟能詳，原來牛都可以整叉燒！雖然牛叉燒嘅外表黑炆炆，但食落有焦香感，牛味重又唔會好乾柴同肥。淋上飯嘅醬汁酸酸甜甜，幾開胃🤤✨ 金牌紅燒牛肉麵 ($58)牛肉湯頭濃郁，飲到淡淡嘅牛肉味之餘，紅燒味又唔會太辣，啱啱好！麵條Q彈有嚼勁，每條麵有番一定厚度，同時可以掛住湯汁。牛肉份量都幾多，而且好鮮嫩😚✨ 大腸包小腸 ($28) ；台灣夜市香腸 ($28)迷你版嘅大腸包小腸真係可以止到口癮！軟糯嘅外皮包住台式香腸，味道貼地👍🏻 台式香腸咬落煙韌，肥瘦適中同夜市食到嘅香腸基本上冇差異😆✨ 甜不辣 ($28)呢款小食名喺台灣就聽得多！而甜不辣係一種由魚肉包裹住炸粉炸成嘅一款小食。份量都幾多，每件都細細舊可以一啖一口。食落煙煙韌韌，好有咬口，而且都相當有魚味🐟✨ 花雕炸雞 ($48)鹽酥雞就食唔少啦！花雕炸雞顧名思義就係用花雕酒去醃製嘅雞粒。雞粒炸至金黃色，而且外脆內多汁～食到好香嘅花雕酒味，非常少見但好特別😉✨天母牛肉