Video
Read full review
2019-11-16
1857 views
嚟數碼港艾美酒店玩來一個兩日一夜小旅行，晚上都唔想周圍走，所以就去左酒店嘅中餐廳南坊，食左一個既富豐又好味兼有驚喜嘅晚餐~ 頭盤就係「蒜片牛柳粒」、「椒鹽鮑魚」同埋「招牌黑毛豬叉燒」，其實三樣都係水準之作，不過對黑毛豬叉燒就尤其喜愛，肉質淋軟得嚟唔會太乾身，而且好Juicy，真係食唔停口呀~ 「京滬生煎金麻黑白包」依個可以話係小小豬全晚第二至愛，以行動証明，因為佢一個人食左兩大個呀~ 「川式麻辣小籠包」依個絕對係有驚喜，包包內充滿惹味嘅高湯，一咬開嗰一陣麻辣高湯就湧入口，雖然帶有麻辣但唔會好搶喉感覺，滿足...滿足呀~ 「羊肚菌花膠螺頭湯」作為一個愛飲湯嘅人嚟講，依啖湯真係超清甜，完全唔覺得油膩。而且每碗都有大大片花膠，真係好味都唔識形容呀~ 依隻小小豬就緊係飲得津津有味啦~ 「龍蝦湯燴蟹鉗」蟹鉗非常爽口彈牙，龍蝦湯底好濃稠，加埋置底嘅讚岐烏冬一齊食，好惹味~ 「禪關萬象」其實依個係一味素食嚟，以原個去皮番茄釀入唔同珍菌，再用米水打成泡沬伴係番茄旁，睇個樣都覺得好特別。有外觀亦有內涵，珍菌都好夠味而且入口又有層次，估唔到一向唔鐘意食菌類嘅小小豬都可以一個人食晒成
頭盤就係「蒜片牛柳粒」、「椒鹽鮑魚」同埋「招牌黑毛豬叉燒」，其實三樣都係水準之作，不過對黑毛豬叉燒就尤其喜愛，肉質淋軟得嚟唔會太乾身，而且好Juicy，真係食唔停口呀~
「京滬生煎金麻黑白包」依個可以話係小小豬全晚第二至愛，以行動証明，因為佢一個人食左兩大個呀~
「川式麻辣小籠包」依個絕對係有驚喜，包包內充滿惹味嘅高湯，一咬開嗰一陣麻辣高湯就湧入口，雖然帶有麻辣但唔會好搶喉感覺，滿足...滿足呀~
「羊肚菌花膠螺頭湯」作為一個愛飲湯嘅人嚟講，依啖湯真係超清甜，完全唔覺得油膩。而且每碗都有大大片花膠，真係好味都唔識形容呀~
依隻小小豬就緊係飲得津津有味啦~
「龍蝦湯燴蟹鉗」蟹鉗非常爽口彈牙，龍蝦湯底好濃稠，加埋置底嘅讚岐烏冬一齊食，好惹味~
「禪關萬象」其實依個係一味素食嚟，以原個去皮番茄釀入唔同珍菌，再用米水打成泡沬伴係番茄旁，睇個樣都覺得好特別。有外觀亦有內涵，珍菌都好夠味而且入口又有層次，估唔到一向唔鐘意食菌類嘅小小豬都可以一個人食晒成個，仲話係佢全晚至愛嚟呀~
「海膽炒飯」見到咁大片海膽，對於我依啲海膽控真係未食都已經好興奮啦~
甜品時間我就嚟一個「楊枝甘露」、「招牌黑白芝麻卷」及「爆炸大良脆奶餅」~
小小豬兩父子就嚟依個「西瓜西米露」、「招牌黑白芝麻卷」及「爆炸大良脆奶餅」，小小豬除左對西瓜有興趣之外，佢仲對啲爆炸糖極為喜愛，就連我嗰啲都搶埋嚟食呀~
今餐真係超豐富，我地三口子都食到飽飽呀~
Post
