Video
Read full review
2021-11-17
204 views
話說今日同男友晏晝5點半攞飛，不過就等咗接近兩個鐘頭。都算啦，見住嗰肥姐姐reception叫號同帶位都係同一個人做，喂，大佬！繁忙時段搵人帶位好冇？仲要明明叫號A(1-2位)飛都冇客應座，理應繼續叫A，但無端端去叫B飛，之後肥姐姐又搞手續同帶位。來回浪費幾多時間？仲要不停有人出但叫飛就慢到龜咁，好喇，我哋嘗試隊個頭埋窗口望，最埋二人座(1號枱位)空架，仲要之後十五分鐘都仲係空架。好喇咁都未算，我試下埋去reception去望下上一個叫號B飛張飛，想爆粗，B飛人哋6點攞飛嘅已經入咗去，我哋五半仲傻等，雖然我知場內座位有編4人同2人座，分配有所唔同，但時間都差太遠吧。好喇終於入到去，一入到去，馬上_咗一聲，好多空位呀大佬！！！至少5個2人座吧枱同2張卡位枱都空架。出面嘅人就一大堆。一個reception serve 出面一大班客 由叫號、安排座位、帶位、介紹一腳踢，但肥姐姐佢仍然保持笑容仲非常有禮貌，值得一讚。只怪管理層管理不善、人手不足、安排混亂。膳食上都好食，當然唔能夠同壽司郎比，啲壽司飯略為鬆散，但整體壽司都好食，尤其油甘魚同吞拿魚，仲有嗰北海道雪糕。不過壽司喺平板order嘅選擇
膳食上都好食，當然唔能夠同壽司郎比，啲壽司飯略為鬆散，但整體壽司都好食，尤其油甘魚同吞拿魚，仲有嗰北海道雪糕。不過壽司喺平板order嘅選擇相對少，而壽司運輸帶同網上評論一樣冇咩壽司。
如果入座流程同運作管理上能改善，其實已經好OK了。
-叫號系統其實可配合app實時顯示 等客人可以去隔離百貨買野睇野唔洗無聊等咁耐。(明明自己有優勢去刺激叫人消費都唔用，做管理嗰個每月都幾好搵)
Post