鮮選壽司

Open Now

Now Closed

記得鮮選壽司，剛剛開幕的時候，吃過一次，便說沒有下次！近期機緣巧合下，再一次俾機會鮮選壽司！怎料質素竟然有驚喜！由於壽司的定價非常奇怪，壽司拼盤的價錢可能被單點還貴！而且定價的範圍也非常廣泛！只要你叫一些抵食的壽司，其實這間迴轉壽司的性價比俾壽司郎還高！例如三文魚壽司，$10兩件！平過爭鮮🤣另外帶子壽司非常抵吃， $18兩件，而且帶子非常厚肉，非常鮮甜！其他第食壽司包括魷魚，赤具、芥末八爪魚等等！質素都非常高！如果不想排隊，又想吃迴轉壽司，是一個好選擇！

早前鮮選壽司新出放題見到可以任食生蠔/拖羅/海膽當然要試下據聞多左人知之後 佢都加左好多限制今次我就跟足指示 11點前去排隊拎籌而拎籌可以揀時段 我就揀左6pm 每個時段其實得4個籌6點準時入場（早到都要等到6點）一入到去頭5分鐘 又真係好似乜都無咁 勁擔心但原來個menu會不停轉 要人手refresh 禁下禁下 大拖中拖有返 仲keep住有一段時間生蠔就出左2次 每次大概10分鐘左右海膽就keep住有 係去到last15分鐘左右先無上菜速度 第一轉都要等5-10分鐘之後第二第三轉就大概10-20分鐘拖羅質素 雖然有筋 但係肥美嘅其實就同donki買到嘅質素相約或只係爭好少亦都無漏單 仲俾多左添生蠔係出色嘅 好creamy同甜甜地亦都夠新鮮海膽 當然日本最好食但佢已經算好少好少臭味其他嘅刺身 都係新鮮肥美質素好嘅其實$280加一 真係好易回本亦都無坊間講到咁差 無野食咁叫左嘅野食 雖然遲到但總會到不過 有啲美中不足係 其實放題食物嘅選項 唔係有齊單點嘅選項例如 甜品得雪糕球 茶碗蒸全部要加錢#foodie #foodblogger #hkfoodie #hkfoodblogger #h

想食壽司吾想外賣吾想等位就去試下依間🤔仲即刻送左折扣現金券可以即時使用竟然有驚喜，刺身新鮮鮮甜😋上菜用運輸帶，一落單吾洗等好耐就有得食大拖羅夠肥味，軟殼蟹原件即炸整體都好滿意，可以試下喔😊

去到海之戀荃灣嘅鮮選壽司價錢一定比壽司郎高，但係味道比壽司郎好好味，比較特別少少，佢係有箱壓壽司，好搞笑，舊飯壓得好平好整齊壽司刺身都好新鮮，而且味道比壽司郎豐富叫咗個帶子三文魚子飯放兩次大，所以呢個好抵食，超多飯立貝帶子刺身

諗住約朋友去海之戀搵好嘢食😋，突然好想食日本壽司，就搵到呢間《鮮選壽司店🍣🍤🍧》，其實果度真係唔多壽司店揀選，就試下呢間啦！初時佢推介食放題任食$280(另加10%),之後諗清楚就揀單點。起初睇到價錢都合理唔算太貴，點好食物送到時間都好快，但食落就覺得一般😒，雖然價錢都唔算貴，但差不多價錢的話我寧願揀去食"○氣"好過食佢囉！好在無揀任食，因為壽司種類真係唔多。

一直以為鮮選只得壽司食，所以都冇特別入黎食。原來佢有lunch set, 都幾抵食。叫左2個餐，一個係有烏冬+鰻魚飯另一個係烏冬+5件壽司。另外再加左個茶碗蒸。叫呢d 午餐都有車送食物過黎，小朋友好開心。每個餐都係$5x - $6x, 喺呢個場黎講都算平價午餐。

點佐個湯烏冬，但係發現有黑色異物，問完經理之後話係紫菜碎，但係我話本身烏冬係係冇紫菜，點會有紫菜碎？經理表示紫菜擺係烏冬附近，唔信可以點多碗，都係會有紫菜碎，搞到我唔識答佢，而且啲筷子都係洗唔乾淨，日本品牌港式話真係好失望😞，不過睇完其他人評價，我先發現原來佢地真係麻麻

荃灣西得返一間碩果僅存嘅鮮選壽司，今日就過嚟再試吓佢嘅水準，我哋大概6:30咁樣到餐廳，唔洗排隊可以直入，入面都好闊落，所以可以同時間容納好多客人。同之前嘅壽司醋唔同，而家啲飯用咗有色嘅壽司醋，我自己比較鍾意以前嘅飯，魚生嘅質素都冇以前富有油脂，所以今次有少少失望。不過老公大讚呢碟帆立貝，4粒粒粒都咁大粒，一碟可以食到4款口味嘅帆立貝，的確幾正❤️最後兩個人埋單$300蚊到，人均$150，食到好飽，耐唔耐黎呢到食一次轉下新口味都幾新鮮🤩

計埋其他分店，已經第三次去了🥹前兩次喺銅鑼灣食，鐘意佢好食坐得幾舒服🪑又唔洗等咁耐，可惜佢執吓執吓得返荃灣西一間，因為好想再食，所以我同朋友二人遠啲都照殺入荃灣😎平日午餐時間唔洗等位🤨心裏已經擔心緊，最後一間會唔會都捱唔住呢？知道呢間口碑好壞參半，但食過咁多壽司舖，個人認為其實每間都有啲嘢好食、有啲嘢一般，最緊要係揀啱嘢黎叫🔎🍱。第一次食時總結咗經驗，encore咗呢兩樣個人必點✅🤗 ：三文魚壽司🍣 （$10一碟兩件）表面夠濕潤，算係新鮮，食落有應有的魚味，非常抵食🤤如是者每人食咗兩碟😋赤蝦🦐 $20一碟兩件又係食過返尋味系列肉質及鮮味也良好✨平時食pack買都要十幾蚊一件，又係每人食咗兩碟。食完ENCORE系列，就食啲未試過嘅😎吞拿魚中拖 🐟呢件中拖有大拖羅嘅質素🤩有好香嘅魚味同油脂味🤤期間限定組合❗️池魚＋鰻魚＋鰻魚天婦羅池魚正常發揮；鰻魚幾大件唔錯🍱；最驚喜係鰻魚天婦羅😱，熱辣辣上枱♨︎，標準內脆內軟🤗，一啲都唔乾，面頭嗰層脆漿又唔會太厚，冇油益味，大大件咁所以又叫多咗碟鰻魚天婦羅SUSHI😂：不過呢樣係期間限定，唔知去到幾時😅因為見佢炸物出色，於是叫咗碟炸蝦壽司🍤🍤：果然冇令人失望

全香港原本有幾間鮮選壽司🍣，而家得返荃灣呢間，香港嘅餐廳食肆真係越嚟越難做！😐😐聲稱內部裝修，今日重開有特別優惠！只做三日（24-26/5）咁就要試吓係咪真係咁平啦！☺️☺️～～～三文魚壽司🍣～～～$1$1有兩貫嘅三文魚壽司😱😱，仲要無限任叫🤭🤭，我就叫咗兩碟共四貫，比起普通嘅壽司明顯係窄身細舊啲，三文魚幾薄顏色幾靚、有三文魚味冇腥味感覺OK，一蚊仲想點？全部用嘅都係赤醋飯，唔使點豉油都已經夠味！😊😊～～～炙燒三文魚壽司🍣拼盤～～～$10四貫三文魚有四個口味，同樣都係薄身嘅三文魚，多四個口味唔會咁寡😃😃～～～炙燒赤蝦🦐壽司🍣拼盤～～～$10同樣唔係咁大隻有蝦味起碼夠新鮮😀😀～～～炙燒帆立貝壽司🍣拼盤～～～$10帆立貝好厚幾肥美，可以返兜！😁😁同時憑優惠券有一張九折嘅coupon，咁平仲有得九折真係做爛市嗎？

而家週末啲商場冇乜人見到先選壽司竟然唔使排隊當然要去試吓啦環境闊落利用iPad落單我哋五個人食咗六百幾蚊飽到攬住個肚北寄貝鮮甜好味三文魚後新鮮海膽都好鮮甜梗係唔少得小朋友最喜歡嘅腐皮，玉子，蟹棒帆立貝食完再encore仲嗌咗個茶碗蒸俾小朋友燒三文魚腩同埋油甘魚鮫係必點項目大件到食唔晒先係$58下次一定會再嚟

三點到明明大把位, 要客等二十分鐘, 又貴又難食, 比開店退步很多, 無下次！ ：-（ 有三分二冇開到， 要走一台先放其他人入, 變相唔知要等幾耐....有兩台客等等下都走咗店員好似保安管理員, 老點你喺邊度排隊, 講嘢仲要無禮貌, 講半鹹淡廣東話. 餐牌畀之前轉咗唔少， 抵食嘅嘢唔見曬. 時令menu主推貴及唔飽items. 場面十分冷清. 食物質素比Hama 壽司低間店舖坐得三分一人....隔離嗰台都話冇下次....食嘢仲要受氣咁

平時嚟呢度買嘢就多但係食壽司就第一次, 唔知點解覺得麻麻地比壽司郎差少少, 好處勝在有甜品, 唔想食壽司都可以食下甜品開心吓, 希望佢第時會多啲甜品種類, 因為壽司佢哋真係輸咗比其他大集團

第一次去，唔洗等位，入面坐左5成人都冇。點餐方面，每次只可以點4樣野，之後再繼續。想問鱈魚白子，搵左好耐都冇，最後問職員等左陣，點餐部機先有返啲限定食品同單點壽司出黎，除左呢樣野，職員都好有禮貌。Set lunch好低，下午茶最平39蚊就食到，仲可以追加小食同甜品。士多啤梨蛋糕同大福唔建議叫，土多啤梨蛋糕假膠假甜味，大福質素都好一般。壽司好一般，唔係難食，但又唔會好食到再想下次去食，最大問題係好多舊啲飯一挾就散。刺身冇鮮味，限定既鱈魚白子壽司一食入口明顯放耐左，好腥臭。

好嘢，喺荃灣鮮選嚟個下午茶壽司慰勞下自己。店內氣氛輕鬆，一看菜單我就嗌咗厚切大拖羅等海鮮盛合，彷彿海底寶藏一盒，睇得我心花怒放。🐠 我一試第一口大拖羅，呀，柔滑得嚟又鮮美，幾乎係入口即溶。🍣 吞拿魚他他醬汁夠哂味，撈埋飯一齊送入口，夠晒爽滑，完全唔膩口。平凡貝啲顏色靚靚，味道清新，食落去推介得嚟！花之戀就啲色彩都靚，食落去又唔錯。沙律醬蟹棒同三文魚子好適合鍾意味道豐富嘅朋友，食落口中感覺清新唱晒跳，啲粒粒飛魚子仲爆汁跳舌頭。唔得嘅地方就係茶壺設計，倒茶嘅時候咁辛苦，真係要小心D，希望店家可以改善吓。運氣好嘅時候，屋企附近竟然有日人光顧，有啲似乎食得好開心，我咪又更期待下次再嚟試新款！總括嚟講，食材新鮮，口感一流，無論係食品定係價錢，都算係荃灣區性價比好高嘅一擊！下次攞餸都會考慮再嚟幾轉。👍🏻