Video
Read full review
2023-05-05
1200 views
【北區】【廣成冰室】香港嘅老牌冰室，因為現今世代好多人都蔑視「茶記」呢種本土文化，因此數量每況愈下。不過依然有一啲仲喺度同呢個世代做「相映成趣」嘅示範，例如今日要講嘅呢一間石湖墟嘅冰室，就真係老字號得嚟，老中青都中意。「以愛情來填滿的，用年華維繫的縱是銀或金或張白紙，依然完全沒保障……」我喺好多年前曾經同我嘅初戀情人喺對話嘅時候提及過一齊過食呢間嘢，我已經忘記咗我有冇應承過對方一定要陪佢嚟呢度食嘢，不過反正佢而家都有適當嘅人可以陪佢，我亦都無謂為對方徒添煩惱，為大家留個好嘅印象嘛。「愛到頭來能強積，或無人能累積那是人類美麗的幻想，只能求無力保養……」咁又做乜無啦啦走嚟食呢間，我坦白啲啦，就係我直屬上司叫咗我嚟試呢度啲紅豆冰好耐，我為咗自己來年嘅 appraisal 著想，就決定放低心中嘅羈絆，走嚟食吓呢間，起碼出年我個表現係 Poor 以上我已經心滿意足架喇。當然我喺好耐之前其實都自己嚟食過，罪疚感冇咁大。咁其實個個嚟到都係食茶餐，主菜「牛肉通粉」係呢度招牌菜之一，不過除咗薑味夠之外，唔算好特別。小食可以揀菠蘿油或者蛋治，蛋治我食過係唔錯嘅，今次唔揀。可惜個「菠蘿油」冇畀到驚喜我，好一
「以愛情來填滿的，用年華維繫的
縱是銀或金或張白紙，依然完全沒保障……」
我喺好多年前曾經同我嘅初戀情人喺對話嘅時候提及過一齊過食呢間嘢，我已經忘記咗我有冇應承過對方一定要陪佢嚟呢度食嘢，不過反正佢而家都有適當嘅人可以陪佢，我亦都無謂為對方徒添煩惱，為大家留個好嘅印象嘛。
「愛到頭來能強積，或無人能累積
那是人類美麗的幻想，只能求無力保養……」
咁又做乜無啦啦走嚟食呢間，我坦白啲啦，就係我直屬上司叫咗我嚟試呢度啲紅豆冰好耐，我為咗自己來年嘅 appraisal 著想，就決定放低心中嘅羈絆，走嚟食吓呢間，起碼出年我個表現係 Poor 以上我已經心滿意足架喇。
當然我喺好耐之前其實都自己嚟食過，罪疚感冇咁大。咁其實個個嚟到都係食茶餐，主菜「牛肉通粉」係呢度招牌菜之一，不過除咗薑味夠之外，唔算好特別。小食可以揀菠蘿油或者蛋治，蛋治我食過係唔錯嘅，今次唔揀。
可惜個「菠蘿油」冇畀到驚喜我，好一般，放喺門口個櫃，冇加熱就咁奉客，唔建議大家揀。餐飲我飲「熱奶茶」，其中一樣茶記指標性嘅嘢，遺憾地佢都唔算好突出，只係好普通嘅茶餐廳質素，咁樣收 $44 只能算係合理。
之後當然進入戲肉，就係只能以 $27 散叫而唔可以跟餐或者跟餐加錢嘅「紅豆冰」。我一向都對呢樣嘢麻麻，係直屬上司畀勇氣我，一上菜，佢個樣已經夠殺食，舊冰圓錐形，相當有視覺效果，飲落，味道都唔錯，好香豆味。
頭先講過，我不嬲都唔多好紅豆嘢，所以我都係就咁求其飲晒啲液體就擺佢喺度去嘆杯奶茶。點知疑似事頭婆走埋嚟同我加啲淡奶落去等我食埋佢，呢個舉動已經贏晒，我就乖乖哋同佢食晒啲紅豆，係繼宇治之旅之後第二次。
咁喺宇治嗰啲日本紅豆係靚好多嘅，不過今次其實都唔差，起碼我唔係勉為其難食，睇得出佢哋都覺得啲嘢正，唔想我嘥。最後用 $41 叫多隻「火腿奄列」，不過表現唔算特別出色，可能因為冇乜人叫，個火候控制得麻麻。
咁樣 $112 我都無話可說，始終係一個餐加兩樣散叫嘢。不過本來唔係叫奄烈而係想叫鳳凰奶糊，點知疑似事頭婆話餐牌冇價錢嗰啲即係冇供應，長知識，大家去食嘅時候要留意。佢哋逢星期四休息，大家要留意吓營業時間先好去。。。
（地址：上水石湖墟新成路10號）
#1amfoodie #hkig #foodiehkgirl #hk #hongkong #topcitybiteshk #hkeat #foodgasm #followforfollowback #love #hkrestaurant #香港 #香港吃貨 #thatfoodiething #食物 #globaleats #1am北區 #上水 #石湖墟 #廣成冰室 #牛肉通粉 #菠蘿油 #熱奶茶 #紅豆冰 #火腿奄列 #1am0750 #1ambackup
33 views
0 likes
0 comments
Post
