반찬앤쿡 Banchan and Cook (東薈城名店倉)

Open Now

Now Closed

東薈城之前裝修過，開左個好大既「名店倉」，但一直都未有機會去行。今次同朋友過東涌行街，順便試下佢啲新餐廳。Banchan and Cook係主打韓式fusion菜既cafe，行過俾餐牌吸引左，決定入去試試兩個人總共嗌左兩主菜+一小食+一甜品+兩杯野飲。首先係佢招牌菜式既蛋包飯，上枱既時候會主動幫你切開，隻蛋非常嫩滑，裡面仲保留到半熟既蛋漿，係我中意既口感！隔離配上兩大舊包住五花肉既原片泡菜，泡菜可以連飯或者五花肉一齊食都得，不過如果啲泡菜可以剪細塊少少就更加好了（會方便啲食）～另外一樣推薦既係炸雞，醬油蒜頭味唔辣，咸香適中，裡面既肉亦都嫩滑，好食芝士泡菜紫菜包飯，芝士份量十足，多到完全見唔到底下既泡菜kimbap，味道都不錯，不過嗌完先發覺成餐太多澱粉質（飯），所以食完有少少「濟」lol甜品係烤朱古力棉花糖，棉花糖烤到半溶狀態，連埋消化餅一齊食，幾好食，不過都係留意份量有點多，兩個人食到最後超飽哈哈哈最後兩杯野飲，伯爵茶鮮奶咖啡，朋友話都OK；玫瑰紅桑子沙冰比較清新，同真係飲到有淡淡玫瑰花香，適合同油膩野一齊食，有「消濟」作用。整體呢餐都滿意，食物質素不錯，環境舒服，枱同枱之間隔得好開