犀牛犀牛 (康怡廣場北座) (Closed)

【可以加番兩張枱四張凳】幫朋友整野，整到3點9佢話好想飲野，要有芋圓。諗起康怡三樓橋好似有間嚐仙，去到勁多人。於是過隔離望吓。芋圓波波抹茶鮮奶 $43聲稱用明治 4.3特濃牛奶。朋友覺得太甜，芋圓亦一般。黑珍珠岩鹽厚鮮奶 $38我隨手點了黑珍珠，反而唔錯，奶味好濃厚。花生醬棉花糖熱壓吐司 $37賣相覺得唔抵，因為壓到一塊薄片。食落就夠熱，花生醬綿花糖好難唔好食，正常發揮。見無得坐，於是外賣。揀野飲時，朋友問咩係歐蕾，咩係寒天。我答：點知。等野飲時，發現有解釋。你自己睇。唔想等，可以預先落單。（利申：我無試過）心諗咁大個鋪，擺番兩張枱四張凳應該都大把位。