Video
Read full review
2017-08-02
2120 views
打邊爐真係一年四季都啱，香港火鍋店多到每行一條街都有間，無論天王級定小市民都鐘意食(真係諗起都想食)。Venus呢就熱愛打邊爐，經常四出覓食最近試咗依間一鍋堂真係無得頂！$158食2個半鐘(一位價錢，另收加一服務費)，材料新鮮湯底惹味，地方整潔舒服，真心推介火鍋愛好者要試下！利申：自費食x 2次，無廣告 為表示好味道程度，食完一次即刻拉大隊食多次，前後相差幾日ja，依家打打下文又想食>< 言歸正傳先～～Venus習慣book位食飯，所以去到基本上直入有位坐，但係見門口好多人等緊，應該似係walk in客，所以建議book定位食就唔使等...寂寞到夜深一鍋堂標榜用還原水製作湯底，食落就真係無分別， 心理上覺得健康d咁，我buy^^ 好la~~湯底哂冷la~~16款湯底入面有6款主打推介推介：韓式泡菜湯、麻辣湯、潮汕湯、藥膳湯、櫻花蝦湯其他：沙嗲湯、莞茜皮蛋湯、清湯 推介：馬來喇沙其他：冬蔭公湯、胡椒豬肚湯、杏汁豬肺湯、沙參肉竹鯊魚骨湯、蘿蔔粟米豬骨湯、蕃茄牛粒湯、鴛鴦鍋 任食紙 加錢選擇 啤酒類係要自費唔係任飲㗎 飲品同蔬菜係自取蔬菜成碗拎，一碗入面好多菜，2個人食一碗都
最近試咗依間一鍋堂真係無得頂！$158食2個半鐘(一位價錢，另收加一服務費)，材料新鮮湯底惹味，地方整潔舒服，真心推介火鍋愛好者要試下！
利申：自費食x 2次，無廣告
為表示好味道程度，食完一次即刻拉大隊食多次，前後相差幾日ja，依家打打下文又想食>< 言歸正傳先～～
Venus習慣book位食飯，所以去到基本上直入有位坐，但係見門口好多人等緊，應該似係walk in客，所以建議book定位食就唔使等...寂寞到夜深
一鍋堂標榜用還原水製作湯底，食落就真係無分別， 心理上覺得健康d咁，我buy^^
好la~~湯底哂冷la~~
16款湯底入面有6款主打推介
推介：韓式泡菜湯、麻辣湯、潮汕湯、藥膳湯、櫻花蝦湯
其他：沙嗲湯、莞茜皮蛋湯、清湯
推介：馬來喇沙
其他：冬蔭公湯、胡椒豬肚湯、杏汁豬肺湯、沙參肉竹鯊魚骨湯、蘿蔔粟米豬骨湯、蕃茄牛粒湯、鴛鴦鍋
任食紙
加錢選擇
啤酒類係要自費唔係任飲㗎
飲品同蔬菜係自取
蔬菜成碗拎，一碗入面好多菜，2個人食一碗都好夠
飲品都好多選擇
仲有自家製洛神花茶同木敦果茶
木敦果茶好好飲，係細個媽媽沖比我飲果隻「鬼佬涼茶」味，大個之後問返媽媽都唔知邊到買到，佢話賣果個人同佢講中國人有涼茶，「鬼佬」呢就飲依d囉
自助調味區(豉油個鼎好舊式涼茶舖feel)
等緊湯底嚟嘅時候就睇下枱面啲工具la
有個碗裝住湯隔同湯匙都幾貼心，方便打邊爐「筆」起面層d油
枱面預先放定2對筷子供生熟筷用，唔使再問侍應生拎一對筷子
每枱有一樽火鍋湯底供備用，唔夠先再出去拎
我地嗌咗一鍋堂其中一個推介— 韓式泡菜湯，酸酸辣辣，湯底越滾越惹味，Venus本身都算食得辣，後段都覺得辣辣地，基本上唔需要再點調味(豉油&辣椒)，唔係好食得辣朋友仔就唔好嗌依個湯底la~~~
P.S.本身湯底都好多菜，如果大家都點依個湯底可以係蔬菜雪櫃拎少d菜
每枱都有個食物架，而d食物盤可以層層疊方便擺放，類似酒樓d蒸籠咁
本身Venus唔太食肉又唔食牛，所以就無肉類食評，第二次同朋友食朋友就話肉類同魚類都新鮮，一致表示都幾抵食
Venus就係海鮮愛好者，海鮮真係正，特別係海蝦，仲識郁@@ 同埋好多膏，Venus前前後後食咗12隻蝦！是日推介海鮮係蜆，叫咗2轉，有2粒有沙，算合格la。帆立貝就麻麻，試一試就算
花膠好厚啊！好少見任食打邊爐會有花膠食，不過Venus一向唔太好魚類～怕腥，所以都好少食花膠，見隔離枱點跟嚟點試下，都ok
丸類好驚喜@@ 推介龍蝦沙拉丸，食咗好多粒！麻辣鱈湯包都好惹味，芝士豆腐都好味道！
打邊爐點少得必點炸魚皮同金菇
以下落嚟一定必食仲要Encore 幾次自家制胡椒麵！完全贏咗打邊爐麵類第一位稻底烏冬！胡椒味好香！爽口彈牙，煙煙韌韌！正到舔舔脷！必食！
Encore完必食之後就到另一個肚出動la
有乳酪同軟雪糕，另外有甜筒同配料選擇
Venus覺得乳酪同軟雪糕相差唔大，軟雪糕似雪芭，乳酪好食d，食咗2杯
Venus後感：2個半鐘可以慢慢食，消化一陣再encore都夠時間，食材新鮮加上湯底多選擇，第二次試藥膳湯都有足料藥材係湯底，朋友食完都推介其他朋友試，星期一至四$158一位任食打邊爐計都算平，遲d會再同朋友試麻辣湯^^
任食2.5小時
17:00-21:30 (星期五六日假期前夕➕$10)
成人$158 小童$88
21:30-02:30 (星期五六日假期前夕➕$10)
成人$138 小童$88
(以上價錢另收加一服務費)
一鍋堂 Epot:
地址: 荃灣眾安街55號大鴻輝中心11樓
電話: 2408 3771
希望大家鐘意今次我嘅分享la~
多謝收看
Post
