298 Nikuya Room

Open Now

Now Closed

一間回頭率極高既高質日式和牛燒肉餐廳。佢地既lunch set 既選擇同價錢相對性CP值很高。場內坐位寛敞， 同隔離枱唔會好近之餘，仲有飯後離開餐廳時唔會有油煙味，之後返工/約會都唔怕尷尬，絕對值得一讚。建議就算平日午餐時段都預早打電話訂位呀。❈ 雲丹和牛丼セット(S) HK$380 Uni and Wagyu Bowl Set 份量比想像中正常，送上枱時為我眼球帶黎左衝擊。 和牛味濃同油脂感適中，如果可以炙燒多一點點會帶黎更豐富口感。和牛他他配上濃郁蛋香係一個無敵既配搭。海膽新鮮，但味道並無係口腔停留太耐，海膽既鮮甜就清失了，加上飯係熱，令海膽溫度變暖。❈ 和三宝セット HK$250 Treasure 3 Set 廚師精選當日和牛部位，3款和牛肉質豐富，明顯見到油脂花紋平均，牛肉味濃，，油脂花紋散佈係肉上面，入口嫩滑完全唔會韌，肉既香味同油脂溶為一體。店員無主動提及今日既供應部位。如果想知道可向佢地查詢。午市套餐仲包埋沙律、前菜、米飯同麵豉湯。仲可以追加一份牛舌 (HK$60), 份量充足、可以同朋友一齊分享。