Video
Read full review
2024-12-13
274 views
最近有日去左太子酒吧街果邊食飯，其實都好多年冇過黎，今次簡左一間歐陸風小酒館，主要係環境舒服得嚟又有氣氛，完全唔會太嘈，啱晒一班朋友聚舊或者情侶小聚。———————————————🌟 芒果蟹肉沙律 $128一上枱就俾佢擺盤吸引住，菜式其實就好似高級餐廳既他他，賣相超靚！食落口感好豐富，除咗鮮甜既蟹肉，仲有芒果粒、蕃茄、洋蔥，每樣都新鮮而且各有不同口感。面頭再加有酸酸地嘅沙律醋汁提鮮，開胃又清爽。🌟 西班牙車喱酒燴牛肋條 $198牛肋條炆到非常腍身，肉質超嫩滑，滲透住陣陣酒香。份量絕對夠兩個人share，仲有蘿蔔同薯蓉作配菜，夠哂誠意。🌟 蘑菇帕爾馬火腿自家手打Pizza $138手打Pizza餅底係比較香脆硬身果款，焗得岩岩好，唔會太厚亦唔會太乾，夠曬香口可以連餅底都清埋。面頭舖滿蘑菇、帕爾馬火腿加上香濃芝士，鹹香味啱啱好，六件份量剛剛好，叫完之後仲可以試多幾款其他菜！🌟 Lemon Squash $68開車無飲酒，試咗呢杯清新既Lemon Squash，真心醒神！檸檬味非常鮮明，但酸度甜度調校得好平衡，飲落好解膩。🔸整體評價🔸佢餐牌個價錢真心抵，而且食物其實每樣都好出色。另外tapa
最近有日去左太子酒吧街果邊食飯，其實都好多年冇過黎，今次簡左一間歐陸風小酒館，主要係環境舒服得嚟又有氣氛，完全唔會太嘈，啱晒一班朋友聚舊或者情侶小聚。
———————————————
🌟 芒果蟹肉沙律 $128
一上枱就俾佢擺盤吸引住，菜式其實就好似高級餐廳既他他，賣相超靚！食落口感好豐富，除咗鮮甜既蟹肉，仲有芒果粒、蕃茄、洋蔥，每樣都新鮮而且各有不同口感。面頭再加有酸酸地嘅沙律醋汁提鮮，開胃又清爽。
🌟 西班牙車喱酒燴牛肋條 $198
牛肋條炆到非常腍身，肉質超嫩滑，滲透住陣陣酒香。份量絕對夠兩個人share，仲有蘿蔔同薯蓉作配菜，夠哂誠意。
🌟 蘑菇帕爾馬火腿自家手打Pizza $138
手打Pizza餅底係比較香脆硬身果款，焗得岩岩好，唔會太厚亦唔會太乾，夠曬香口可以連餅底都清埋。面頭舖滿蘑菇、帕爾馬火腿加上香濃芝士，鹹香味啱啱好，六件份量剛剛好，叫完之後仲可以試多幾款其他菜！
🌟 Lemon Squash $68
開車無飲酒，試咗呢杯清新既Lemon Squash，真心醒神！檸檬味非常鮮明，但酸度甜度調校得好平衡，飲落好解膩。
🔸整體評價🔸
佢餐牌個價錢真心抵，而且食物其實每樣都好出色。另外tapas其實有超多款而且性價比都幾高，不過因為今日我得兩個人食所以就冇話叫好多Tapas一齊食，下次有機會可以再試埋其他食物。
Post
