BLT Steak (Closed)

我地幾大一小b，行完之後想搵個地方休息，係咁e有啲嘢落肚。今日大家個mood係想食啲小食，最重要係每人點左杯冰凍嘅飲品，大家都好需要。小朋友都有自己嘅menu，幾貼心。星期日六點半尚有位，坐係梳化位就已經唔想起身。環境都幾好，如果有小朋友或有bb車，都係方便。頭盤有個包，幾鬆軟，有啲似牛角包。魷魚配青瓜，個醬調得幾好，魷魚唔厚粉，大家都喜歡呢道。芳提娜芝士通粉，芝士味勁濃，好好食（呢啲邪惡食物無得輸）。我地仲有叫焗薯，薯條，洋蔥圈，都唔錯。叫左三文魚，煎得好香口，喜歡食魚嘅我表示好食。整體都ok，我地都食得剛剛好，休息下次日又再返工啦。