沙嗲王 (金馬倫道) (Closed)

曾幾何時，我地一班人都經常光顧沙嗲王，唔知幾時突然接左，就去咗其他食店。最近金馬倫道開左，加上朋友有券，可以去啦。以前舊底snoopy cafe位置，沙嗲王同mon hunter有合作，有啲裝飾都用咗佢地做招徠（不過打機人表示都係回家打吧）以往都唔覺有午市套餐（定我太耐無食），有經典嘅白咖喱豬扒飯（唔駛諗直接揀呢個，肥牛粉絲並不在此套餐內，要當另點）。餐具有啲唔夠乾淨，朋友見到杯水有一層疑似油。飯太濕，一餅飯上。豬扒同汁無變，都ok，可以唔好太油就好啲。五十幾元有個飯加杯飲品，可以啦。