Tipsy Tap (Closed)

今次介紹一間算係比較隱世嘅小酒吧比大家，作為一個唔太飲啤酒嘅人都覺得佢啲啤酒真係好唔錯，而且食物方面一啲都唔馬虎，大家收工想搵地方飲下啤酒都可以嚟呢邊。———————————————🌟芝士煙肉安格斯牛肉堡 $148漢堡都幾大份而且牛肉好Juicy，牛肉中間仲係半生熟可以見到粉嫩嘅牛肉，牛肉食落味道都重，入面仲有煙肉、芝士、酸失、蕃茄同生菜，咬落好豐富。薯條熱辣辣炸起，我地仲加錢要咗個黑松露醬，味道都即刻昇華唔少😍🌟酒漿炸魚薯條 $138炸皮炸得好香脆同時唔會太厚，中間嘅魚柳味道ok，份量都唔少，加上少少檸檬汁同塔塔醬味道更正。🌟芝士蟹肉釀蘑菇 $78呢個小食出面比較少食到，芝士味好香濃，蘑菇上面可以見到有蟹肉，放入口時好香，3種材料放埋一齊味道都好夾。🌟焗田螺配薯泥荷蘭醬 $88田螺本身食落都好香而且彈牙，但反而我最驚喜係薯泥果部份，食落好香同時口感好綿滑，同平時食開果種薯蓉唔太一樣。🌟Apple $108 420ml呢隻濃度其實好低只有3.5%，飲落超易入口，味道帶有蘋果香同時又有酸又有甜味，好鍾意佢其中一個地方係甜酸度平衡得好好，唔會令人覺得偏咗去其中一邊，非常適合女仔飲。