柏 (Closed)

餐廳菜式種類非常多元，刺身、壽司、卷物、串燒、天婦羅、前菜、揚物、沙律、炒飯、鍋物通通都有；價位亦都豐儉由人，由定食到omakase 都有提供omakase，實在非常少見～🌕柏．特盛丼 $380特盛丼內有十五款食材，例如赤身漬、大拖羅、海膽、牡丹蝦🦐、鰹魚、帆立貝、三文魚子、八爪魚吸盤🐙、左口魚、帆立貝等。配色豐富，非常吸晴，稱得上係秀色可餐🤩；全部材料新鮮得黎又唔會冷冰冰，而且用上多款烹製方法，例如漬、汁煮、火炙等，無論食材、味道定賣相都係誠意之作。🌖串燒六點定食 $138六點串燒包括兩款肉類同兩款蔬菜，分別為雞肉串（本肉採肉較稀有嘅雞頸肉，但因供應問題暫轉肉雞腿肉）、免治雞肉、手羽先、牛舌、紅椒同翠肉瓜。定食附有一碗白飯🍚，另有茶碗蒸、沙律同麵豉湯。免治雞肉🐔混有雞軟骨粒，口感綿中帶𡁻頭，如果有埋生雞蛋🥚會更好；牛舌👅一串三件，厚身嘅牛舌燒得唔錯，外脆內嫩又彈牙唯薄身嘅就會比較軟同硬，始終一串入面每件嘅厚薄唔同係比較難處理；紅椒同翠肉瓜具甜味而無蔬菜嘅草青味。🌖鮫鰈魚薄切 $168鮫鰈魚屬白身魚，味道比較清爽，配上辣蘿蔔、萬能蔥、紫蘇花及酸汁等，更能體驗鮫鰈魚爽口嘅肉質。🌕仙鳳趾生