Video
Read full review
2024-08-25
536 views
今日去咗尖沙咀K11 Art Hall一間「火土燒肉」嘅餐廳食日式燒肉，呢一間喺露營風嘅餐廳，門面已經見到一個大帳幕同露營枱凳，一入餐廳就見到充滿特色嘅露營裝修風格，由餐枱、餐凳、吊燈，到餐具、餐杯、煮食用品等等，全部都係露營時會用到嘅摺疊式不鏽鋼產品，令到好耐冇camping嘅我即刻有返晒以前露營嘅回憶！餐廳嘅室內部份主要係日式燒肉，營業至晚上11點；戶外部份主要係酒精同小食，營業至晚上兩點，有幾個大帳幕圍住一個模擬camp fire，環境超有氣氛，推薦大家嚟同朋友chill吓！🍊A5宮崎和牛幻切沙巴當呢塊和牛有職員幫手燒，沙巴當喺肩里肌至肋骨肉之間嘅一個部位，霜降油花分布均勻而緊密，食落去油脂好甘甜，肉質幼嫩，入口即溶，咀嚼後口腔充滿和牛嘅油脂同香味，係一塊好上乘嘅A5宮崎和牛，配上少量嘅黑胡椒調味，想再濃味嘅話仲可以配燒汁或紅酒汁🍊雪花牛小排牛小排嘅份量都唔少，燒烤後肉質結實，油脂分布嘅雪花紋理清晰，食落有濃郁嘅牛味，我哋揀咗蘋果味噌嘅嘅口味，味道清新而唔會蓋過牛肉嘅鮮味🍊香蔥蒜末牛舌牛舌屬於薄切，燒香後嘅口感爽口彈牙，配埋大量嘅蒜頭同青蔥一齊燒，食落好香口🍊清酒煮蜆蜆肉嘅份量足
🍊A5宮崎和牛幻切沙巴當
呢塊和牛有職員幫手燒，沙巴當喺肩里肌至肋骨肉之間嘅一個部位，霜降油花分布均勻而緊密，食落去油脂好甘甜，肉質幼嫩，入口即溶，咀嚼後口腔充滿和牛嘅油脂同香味，係一塊好上乘嘅A5宮崎和牛，配上少量嘅黑胡椒調味，想再濃味嘅話仲可以配燒汁或紅酒汁
🍊雪花牛小排
牛小排嘅份量都唔少，燒烤後肉質結實，油脂分布嘅雪花紋理清晰，食落有濃郁嘅牛味，我哋揀咗蘋果味噌嘅嘅口味，味道清新而唔會蓋過牛肉嘅鮮味
🍊香蔥蒜末牛舌
牛舌屬於薄切，燒香後嘅口感爽口彈牙，配埋大量嘅蒜頭同青蔥一齊燒，食落好香口
🍊清酒煮蜆
蜆肉嘅份量足夠，附送嘅清酒湯汁喺錫紙盒入面加熱至滾起就食得，湯汁味道非常鮮甜，吸收晒蜆肉嘅精華
🍊醬油帆立貝
三隻帆立貝嘅尺寸都幾大，附送醬油汁喺錫紙盒入面加熱至醬汁滾起後3分鐘就可以食，肉質鮮甜，口感彈牙，醬油汁味道甜甜地好夾
🍊玉子海苔飯
大量嘅紫菜配日本流心蛋黃，戳破蛋黃後加入燒汁再拌勻，日本米飯分明
🍊開心果雪山冰
呢個雪山冰好出色，開心果仁嘅份量好多，雪山冰嘅口感綿密，食落有磨碎咗嘅果仁，整體味道唔會太甜，好重牛奶味同開心果仁嘅香味，而且份量好大，絕對足夠兩個人食嘅飯後甜品
📍尖沙咀河內道18號K11購物藝術館3樓314號舖
位置就腳：🍊🍊🍊🍊🍊
餐廳環境：🍊🍊🍊🍊🍊
食物味道：🍊🍊🍊🍊🍊
整體CP值：🍊🍊🍊🍊🍊
Post
