Video
Read full review
2024-10-18
182 views
今日去咗尖沙咀一間叫「秋田鐵板燒刺身專門店」餐廳食鐵板燒晚餐，我哋嗌咗秋田Akita 二人前套餐，每位$888就可以食到12道菜，既有海鮮，又有和牛，真係好抵食！🍊季節沙律 Seasonal Salad沙律菜食材新鮮，蕃茄仔清甜，配沙律麻醬🍊魚籽鵝肝蒸蛋 Steamed egg with Fish Roes & Foie Gras鵝肝煎香之後再放落蛋汁入面蒸，蛋汁味道濃郁，用咗帶鮮味嘅調味，喺鐵板上蒸蛋嘅火候控制得好好，蒸蛋口感非常嫩滑，配埋爽口嘅飛魚籽🍊鮮活時令龍蝦 Live Lobster龍蝦非常生猛，上枱嘅時候仲識郁，師傅喺鐵板上將龍蝦肉拆出嚟煎香再切件，然後將龍蝦頭入面嘅蝦膏整出嚟調製一個濃郁嘅龍蝦汁，最後將龍蝦肉同龍蝦汁配埋煎香咗嘅多士一齊食，龍蝦爽口彈牙，味道鮮甜，食完龍蝦嘅鮮味會齒頰留香！🍊原隻鮮活南非鮑魚 Live Abalome on half shell南非鮑魚亦都非常新鮮，上枱時都仲識郁，喺鐵板上煎熟再切片，配上特調嘅昆布忌廉汁同新鮮昆布做配菜，鮑魚口感爽口，昆布忌廉汁帶有奶油嘅香味但唔油膩，同鮑魚一齊食嘅配搭好夾🍊季節時令海鮮 Seasonal Seafood蘇
🍊季節沙律 Seasonal Salad
沙律菜食材新鮮，蕃茄仔清甜，配沙律麻醬
🍊魚籽鵝肝蒸蛋 Steamed egg with Fish Roes & Foie Gras
鵝肝煎香之後再放落蛋汁入面蒸，蛋汁味道濃郁，用咗帶鮮味嘅調味，喺鐵板上蒸蛋嘅火候控制得好好，蒸蛋口感非常嫩滑，配埋爽口嘅飛魚籽
🍊鮮活時令龍蝦 Live Lobster
龍蝦非常生猛，上枱嘅時候仲識郁，師傅喺鐵板上將龍蝦肉拆出嚟煎香再切件，然後將龍蝦頭入面嘅蝦膏整出嚟調製一個濃郁嘅龍蝦汁，最後將龍蝦肉同龍蝦汁配埋煎香咗嘅多士一齊食，龍蝦爽口彈牙，味道鮮甜，食完龍蝦嘅鮮味會齒頰留香！
🍊原隻鮮活南非鮑魚 Live Abalome on half shell
南非鮑魚亦都非常新鮮，上枱時都仲識郁，喺鐵板上煎熟再切片，配上特調嘅昆布忌廉汁同新鮮昆布做配菜，鮑魚口感爽口，昆布忌廉汁帶有奶油嘅香味但唔油膩，同鮑魚一齊食嘅配搭好夾
🍊季節時令海鮮 Seasonal Seafood
蘇格蘭蟶子皇嘅尺寸好大，煎完之後仍然啖啖肉，味道鮮甜，用咗明太子醬同嚟炒帶來一點鹹香，配菜有新鮮爽口嘅蒜心同吸收晒鮮味嘅靈芝菇
🍊香煎頂級鵝肝 Seared Foie Gras
匈牙利鵝肝好大片，加入紅酒去煎，煎香之後充滿油脂感，夾埋法包一齊食係味蕾嘅享受，加上意大利黑醋可以解去鵝肝嘅油膩感，上面有食用金箔同飛魚籽，感覺非常奢華，食完鵝肝多士之後配上一片清甜嘅菠蘿可以解膩
🍊鹿兒島霜降和牛薄燒卷 Kagoshima Wagyu Slices-cut Beef
薄切和牛油花分布平均，包住青蔥同炸蒜片一齊煎熟，口感層次豐富，和牛嘅油脂感好重，但同時青蔥同蒜片中和咗個油膩感
🍊鹿兒島霜降和牛厚燒 Kagoshima Wagyu Thick-cut Beef Steak
厚切和牛嘅口感非常幼嫩，入口即溶，伴碟有傳統嘅炸獨子蒜片、粗粒wasabi 蛋黃醬、岩鹽同鹽昆布，唔同嘅調味都可以為和牛帶來唔同嘅味道，其中我最鍾意嘅係鹽昆布，帶來鹹味同鮮味
🍊秋田炒飯 Akita Signature Fried Rice
餐廳獨家嘅秋田炒飯，材料有蛋、火腿、青蔥、櫻花蝦等，喺鐵板上嘅炒飯特別惹味同香口
🍊炒野菜 Stir-fried Vegetables
野菜主要係椰菜做底，加入韭菜花、靈芝菇、冬菇、金菇、甘荀等其他蔬菜，利用鐵板上煎完和牛同海鮮油再炒菜，令到成碟炒椰菜非常入味
🍊龍蝦清湯 Lobster Soup
師傅將酒灑喺鐵板上做咗一個火燒龍蝦頭嘅表現，非常震撼，然後煎香龍蝦頭再用嚟煲湯，湯頭用咗鮮雞湯同少量鰹魚汁，味道好清甜，鮮味濃郁
🍊精選甜品 Dessert
師傅喺鐵板上用蛋漿煎好兩片pancake，加入北海道十勝紅豆，再配埋日本抹茶雪糕，整成一道宇治金時嘅銅鑼燒
📍尖沙咀天文台圍8號1樓
位置就腳：🍊🍊🍊🍊🍊
餐廳環境：🍊🍊🍊🍊🍊
食物味道：🍊🍊🍊🍊🍊
整體CP值：🍊🍊🍊🍊🍊
Post
