木玥巷

Open Now

Now Closed

【屯門區】【木玥巷】知道遇星哥住大西北，入咗嚟屯門就梗係問吓佢同唔同我食飯啦，咁啱佢又得閒，就同佢一齊試呢間喺屯門虹橋嘅台灣嘢。佢個位置同埋裝修都好有隱世食店咁嘅 feel，餐廳英文名都好有木嘅感覺，叫做 Wooderful，幾得意，我哋就做佢哋嗰晚第一枱客。我哋先試 $98 嘅「蟹肉明太子炒新竹米粉」，好香海鮮味，新竹米粉亦都炒得好正。跟住試 $96 嘅「金鑽鳳梨蝦球」，感覺有少少似咕嚕肉，不過係用到虎蝦，仲有一塊塊金鑽鳳梨，正。跟住我哋兩個各自試一碗 $52 嘅「木玥招牌糖水」，不過配料略有不同。本身配仙草底、愛玉底加兩種配料，我要咖啡凍同黑糖珍珠，佢就要寒天晶球同黑糖珍珠，食落幾有台灣 feel，好味。飲品方面佢試 $42 嘅「木玥黃金水果茶」配鳳梨，我試 $38 嘅「蘋果氣泡益力多」，兩者都各有特色。埋單 $405，我覺得算係咁啦。。。（地址：屯門井財街7號力生大廈地下4-5號舖）@wooderful.restaurant#1amfoodie #foodie #hkfoodie #thatfoodiething #hkfood #food #instafood #yummy #