頂立

Open Now

Now Closed

【屯門區】【頂立】聽呢間餐廳個名會諗起三國鼎立嘅時期，但係睇埋係個頂字，就即刻聯想到頂天立地，係浩然正氣嘅感覺。果然喺門口就見到餐廳規則，當中睇得出店家好重視店員嘅餐牌介紹同埋顧客成個用餐體驗嘅節奏，就入去試吓佢。我哋都係叫加 $70 嘅「惡套裝」套餐，有甜品同嘢飲。主食方面我同事皮蛋哥試咗 $95 嘅「頂立雞白湯」拉麵，湯底係全雞製作，分別用咗法國黃油雞同鹿兒島若雞，冇落任何 cream，食到佢狀甚享受咁，我就知道鮮甜惹味啦。我就試 $95 嘅「頂立豚骨湯」，係用豚脊骨同日本北海道豬手起肉，勁嫩滑囉咩事。個白湯就用咗大量豚筒骨同埋肉，濃厚鮮甜，我都喪飲。我哋都有加 $18 試「溏心蛋」同加 $16 試「燒竹輪」，兩者都好味，無損拉麵味道。而享用食物期間，我哋都不忘嘆套餐包嘅「冷萃咖啡」，係洪都拉斯嘅 geisha 嚟。頭段係帶花香，中段帶啲提子味，尾段似龍井茶，少少 dry 嘅感覺，層次好鮮明。甜品係「昭和風硬布丁」同「巴西蛋糕」，兩者係各有千秋。先食前者，模仿日本昭和時代流行嘅全蛋布丁，比起牛奶布丁質感更厚實，蛋香味較濃。店家用日本曉雞蛋加 cream cheese 落去，口感甚至