如月居酒屋 (Closed)

平時都好鍾意去通菜街小店食飯，今次比我留意到簡比較新淨既居酒屋，入面暖色調仲有好多日式元素，睇完價錢牌覺得都唔太貴就決定入去試一試。———————————————🌟 牛油炒枝豆 $38一開波我地叫咗枝豆，好典型嘅日式小食，但牛油炒過我真係第一次，食落真心好有驚喜，牛油味超香濃，唔會太膩，送酒一流。🌟 芥辣八爪魚 $38呢個八爪魚好有特色，撈咗生熟兩款八爪魚，口感層次分明，食落時一邊係爽脆彈牙嘅生八爪魚，另一邊係嫩滑嘅熟八爪魚，真係兩種感覺。再加上青瓜作為配料，增添咗啲清爽口感，配埋芥辣醬一齊食，口味好豐富，幾有驚喜。🌟 串燒冬菇串用咗日式醬汁燒得香口，入味得黎唔會太鹹，好香口。日式燒雞全翼係皮脆肉嫩，燒到啲肉汁都鎖住喺入面，每啖都Juicy。雞軟骨同牛舌都非常出色，雞軟骨脆卜卜，牛舌雖然薄切，但咬口都好足。🌟 海膽明太子冷烏冬 $98呢個真係每台都必點，一黎已經瞄準咗呢個海膽烏冬，賣相吸引到我即刻落單。海膽份量比想像中多，食落唔會苦，反而非常甜美，配埋明太子同冷烏冬，清爽又充滿鮮味。🌟 飲品飲品方而我地叫左巨峰提子檸檬綠茶同金桔檸檬綠茶，呢兩杯都超有驚喜，果汁味香濃，甜度適中，超值得推