Video
Read full review
2024-10-13
338 views
話說小編都幾鍾意食麻辣風雲， 一直都有留意佢哋嘅動態。咁啱見到旺角分店轉型做大排檔 @fengwanrestaurant ，就心郁郁想嚟試吓啦。 其實麻辣風雲嘅招牌菜式一樣有保留到，佢哋嘅分別主要係加多左唔同嘅菜式，部份嘅菜式更加係一啲大排檔見到嘅小菜。
荔枝蝦球 $78呢個真係每次都係必點，造型參考左荔枝樹本人～盆底嘅位置加入咗乾冰，形成一種仙氣感，非常適合打卡。一粒粒嘅荔枝掛咗喺樹枝上面，等待食客摘佢落嚟。 蝦球嘅外皮呈鮮紅色，表面有荔枝紋，凹凹凸凸。咬落去外脆卜卜脆，入面嘅蝦肉彈牙，有淡淡嘅蝦味。味道：8.3/10炸饅頭 $58呢個嘅造型更加奇特，參考左三國演義諸葛亮草船借箭嘅故事。用船嚟做器皿，諸葛孔明就企喺船頭位置，出面掛住麻辣風雲嘅旗幟，饅頭就放喺船身，模仿故事入面嘅草堆，非常之有創意。當然饅頭味道都唔差，外皮薄脆，入面饅頭唔會乾硬，非常鬆軟，點埋煉奶真係好正。味道：8.2/10招牌酸菜魚 $178先飲一啖湯，首先沖出嚟嘅係酸菜嘅味道，然後到麻香，再到辣味。整體酸麻味比較突出，辣味溫和，唔會過份刺激，都幾C服，但魚味就比較薄弱。佢嘅配料主要得酸菜、魚、蓮藕、金菇等等，都幾豐
話說小編都幾鍾意食麻辣風雲， 一直都有留意佢哋嘅動態。咁啱見到旺角分店轉型做大排檔 @fengwanrestaurant ，就心郁郁想嚟試吓啦。 其實麻辣風雲嘅招牌菜式一樣有保留到，佢哋嘅分別主要係加多左唔同嘅菜式，部份嘅菜式更加係一啲大排檔見到嘅小菜。
荔枝蝦球 $78
呢個真係每次都係必點，造型參考左荔枝樹本人～盆底嘅位置加入咗乾冰，形成一種仙氣感，非常適合打卡。一粒粒嘅荔枝掛咗喺樹枝上面，等待食客摘佢落嚟。 蝦球嘅外皮呈鮮紅色，表面有荔枝紋，凹凹凸凸。咬落去外脆卜卜脆，入面嘅蝦肉彈牙，有淡淡嘅蝦味。
味道：8.3/10
炸饅頭 $58
呢個嘅造型更加奇特，參考左三國演義諸葛亮草船借箭嘅故事。用船嚟做器皿，諸葛孔明就企喺船頭位置，出面掛住麻辣風雲嘅旗幟，饅頭就放喺船身，模仿故事入面嘅草堆，非常之有創意。當然饅頭味道都唔差，外皮薄脆，入面饅頭唔會乾硬，非常鬆軟，點埋煉奶真係好正。
味道：8.2/10
招牌酸菜魚 $178
先飲一啖湯，首先沖出嚟嘅係酸菜嘅味道，然後到麻香，再到辣味。整體酸麻味比較突出，辣味溫和，唔會過份刺激，都幾C服，但魚味就比較薄弱。佢嘅配料主要得酸菜、魚、蓮藕、金菇等等，都幾豐富。佢嘅鱸魚片滑溜冇骨，有少少彈性，口感唔錯，但魚味亦唔算太重。🧐紅薯粉係寛紅薯粉，又闊又長，非常之Q彈，配湯食一流。
味道：8/10
金沙黄金蝦 $128
呢個應該就係轉型做大排檔之後新加嘅菜式，蝦嘅數量都唔少，而且走過油，蝦殼脆脆哋。上面沾滿左鹹蛋黃醬，鹹蛋香味非常突出，好鬼邪惡。
味道：8/10
大大杯水蜜桃雜果茶 $38
大大杯檸檬茶 $38
真係好鬼大杯，而且入面嘅水果配料都唔少，果香突出，但茶底就唔算十分之香。不過邊食辣嘢邊飲係爽嘅。
味道：7.8/10
風雲排檔 (旺角)
旺角彌敦道628號瓊華中心10樓
#hk #hongkong #hkig #hkfoodie #hkfood #hkeat #香港美食 #食評 #香港食評 #香港生活 #小紅書 #香港必食 #旺角美食 #旺角 #seafood #chinese #china #chinesefood #sichuancuisine #sichuan #香港 #中國 #尖沙咀美食 #川菜 #四川 #辣 #港式 #大排檔 #打卡 #風雲排檔
Post
