Video
Read full review
2024-01-31
31 views
餐廳成日都有唔同主題，今期主題係Care Bears in Terraceland，裝飾同餐點都超級colorful，淨係見到都已經覺得開心。🌖熊仔頭螄蚶拌飯 $188飯係care bear 嘅造型，可愛度爆燈；另一材料係香港人較少食嘅螄蚶，望落以為份量較少，但其實味道香辣，足夠拌飯，質感彈牙，同香軟嘅米飯形成對比。呢道拌飯嘅英文名係Keep Clams and Smile Bibimbap，食字之餘都想叫你記得要保持愉快開心，啱晒Bear嘅人設。🌗愛心傳播飯卷 $98睇Menu見飯卷包住一大嚿心型紅蘿蔔，即管就嚟試吓伏！但上枱發現原來飯卷同Care Bear一樣colorful📸，除咗有紅蘿蔔絲之外仲有煎蛋，而且仲有唔同顏色嘅米飯，配合主題。🌗士多啤梨Tiramisu $68本身想要彩虹樂園蛋糕🍰，但可惜賣曬，所以轉左食比較少有嘅士多啤梨🍓Tiramisu。平時嘅Tiramisu一定將手指餅會浸入咖啡酒，呢個士多啤梨Tiramisu就完全冇咖啡味，取而代之係甜甜嘅士多啤梨味，而且成個都係粉紅色，小妹妹一定好鍾意。🌗Care Bears彩雲窩夫 $118窩夫超厚實，夠晒份量，外層香脆，
🌖熊仔頭螄蚶拌飯 $188
飯係care bear 嘅造型，可愛度爆燈；另一材料係香港人較少食嘅螄蚶，望落以為份量較少，但其實味道香辣，足夠拌飯，質感彈牙，同香軟嘅米飯形成對比。呢道拌飯嘅英文名係Keep Clams and Smile Bibimbap，食字之餘都想叫你記得要保持愉快開心，啱晒Bear嘅人設。
🌗愛心傳播飯卷 $98
睇Menu見飯卷包住一大嚿心型紅蘿蔔，即管就嚟試吓伏！但上枱發現原來飯卷同Care Bear一樣colorful📸，除咗有紅蘿蔔絲之外仲有煎蛋，而且仲有唔同顏色嘅米飯，配合主題。
🌗士多啤梨Tiramisu $68
本身想要彩虹樂園蛋糕🍰，但可惜賣曬，所以轉左食比較少有嘅士多啤梨🍓Tiramisu。平時嘅Tiramisu一定將手指餅會浸入咖啡酒，呢個士多啤梨Tiramisu就完全冇咖啡味，取而代之係甜甜嘅士多啤梨味，而且成個都係粉紅色，小妹妹一定好鍾意。
🌗Care Bears彩雲窩夫 $118
窩夫超厚實，夠晒份量，外層香脆，裏面唔會太乾，除咗面頭嘅香橙、夾層忌廉同埋彩色朱古力之外，其實仲有士多啤梨同藍莓作配料，而且忌廉都幾香滑。
🌗Starbuddies紫薯南瓜冰 $52
飲品以紫薯同南瓜作為主調，口味新奇，顏色夢幻；喺根莖類食物獨有嘅沙沙質感上仲加入珍多條增加層次，創意十足；面頭撒有小朋友最愛嘅星星餅，一次過搵到埋Care Bears嘅老友 Starbuddies，小朋友一定好開心！
🌖濟州柑橘乳酪 $68
話晒都係招牌，水準梗係有返咁上下，大大個金橘放喺杯上面就知係真材實料，柑橘同乳酪味道好夾又清新。
Post
