Video
Read full review
2023-05-06
660 views
【東區】【太安樓牛雜】以我風流倜儻嘅程度同埋聰明才智，理論上我成世人應該唔會有多少機會同到啲靚女對話。不過自從開設呢個飲飲食食嘅 Foodie 帳户之後，係會多咗啲同靚女對話嘅機會，言談間講開呢間太安樓牛雜，就提起咗我嘅興趣。我曾經係好中意食牛雜嘅，中意嘅程度係令到我 ex 覺得我送佢返屋企係因為想去佢屋企附近食牛雜嘅。實情當然唔係咁，真係順便去食，然而嗰時喺美孚嗰間小食店嘅牛雜又真係整得幾好食，不過而家已經執咗，冇得再食。執咗嘅當然唔止係小食店，連我嘅感情生活都執埋笠。然而，我估如果我唔係單身都唔會有咁嘅時間去整 foodie 帳户出嚟畀讀者睇我嘅日常生活。咁大家又唔使太擔心嘅，我都仲係正常嘅，今次就係同一位女性朋友去呢間。以我喜歡牛雜嘅程度，我毫不猶豫咁叫咗碗 $65 嘅「大雜」，店員會問要唔要「柚皮」，我哋係要咗嘅。之後又問甜醬同辣醬嗰啲點，我誤會咗辣醬係黃色芥辣，叫佢落少啲，原來佢真係一個辣醬嚟，所以碗嘢係有三個醬嘅。戲肉當然係啲料，「牛膀」、「牛肚」、「豬肺」、「豬腸」，其實幾樣都整得唔錯，尤其係我以前都唔多食嘅牛膀，喺呢度都整得幾好，口感唔會係鞋到好似豬膶咁嗰款，朋友唔食嘅
我曾經係好中意食牛雜嘅，中意嘅程度係令到我 ex 覺得我送佢返屋企係因為想去佢屋企附近食牛雜嘅。實情當然唔係咁，真係順便去食，然而嗰時喺美孚嗰間小食店嘅牛雜又真係整得幾好食，不過而家已經執咗，冇得再食。
執咗嘅當然唔止係小食店，連我嘅感情生活都執埋笠。然而，我估如果我唔係單身都唔會有咁嘅時間去整 foodie 帳户出嚟畀讀者睇我嘅日常生活。咁大家又唔使太擔心嘅，我都仲係正常嘅，今次就係同一位女性朋友去呢間。
以我喜歡牛雜嘅程度，我毫不猶豫咁叫咗碗 $65 嘅「大雜」，店員會問要唔要「柚皮」，我哋係要咗嘅。之後又問甜醬同辣醬嗰啲點，我誤會咗辣醬係黃色芥辣，叫佢落少啲，原來佢真係一個辣醬嚟，所以碗嘢係有三個醬嘅。
戲肉當然係啲料，「牛膀」、「牛肚」、「豬肺」、「豬腸」，其實幾樣都整得唔錯，尤其係我以前都唔多食嘅牛膀，喺呢度都整得幾好，口感唔會係鞋到好似豬膶咁嗰款，朋友唔食嘅肺，就算我自己一個食晒都 okay。
不過喺牛雜以外加入「牛腩」、「牛筋」我就唔係好慣，食食吓仲有「豬皮」，搞到我想搵埋豬紅。最後嘅「蘿蔔」同「柚皮」都唔係話好好食，結論就係呢間嘢係要淨係食啲雜，唔好點任何醬，咁我覺得會好好多。。。
（地址：西灣河筲箕灣道57-87號太安樓第二街A31B號舖）
#1amfoodie #hkig #foodie #hk #hongkong #topcitybiteshk #hkeat #hkfoodstagram #thatfoodiething #love #hkigfood #hkfoodblog #globaleats #foodieman #1am東區 #西灣河 #太安樓牛雜 #太安樓 #牛雜 #牛什 #大雜 #牛膀 #牛肚 #豬肺 #豬腸 #牛腩 #牛筋 #豬皮 #蘿蔔 #柚皮
Post
