齊柏林熱狗店 (協興工業中心)

Open Now

Now Closed

【沙田區】【齊柏林熱狗店】其實我有個系列係叫做 1am火炭工業區，希望講吓火炭工商業區附近嘅飲食。我仲就住呢件事同 IG 嘅朋友詢問，點知我用 story 問，嗰日我死 IG 開唔到，到之後就開唔返大家啲留言，攪到嗰次幫過我嘅朋友白忙一場咁。喺呢件事上面，自問都頗為失德敗行，所以愈嚟愈少讀者回覆自己都係合情合理。咁我作為後悔專家同埋內疚界嘅 KOL，當然要為住今次嘅事件而做返啲嘢。我就想努力咁做多啲呢區嚟用身體殺出一條血路，唔知得唔得呢。然而，火炭工商業區呢啲又真係幾尷尬，因為唔屬於呢區嘅人又真係冇乜機會特登走入嚟食嘢，而屬於呢區嘅朋友又一定會對附近餐廳熟悉過我，因此都係幾矛盾嘅。不過唔理喇，喺火車站殺出去食住先，一嚟就見到齊柏林。齊柏林熱狗相信都唔需要我多作介紹，而家喺香港可以話係周圍都有，而我自己最中意嘅就係 $38 嘅「芝味熱狗」轉「豬肉腸」，真係好好食，我真係只係食呢款架咋。因此，呢間我其實食咗四五次，去到都係忍唔住叫呢個。而呢間分店點解我會狂食係因為佢哋之前有同足總合作派香港足球代表隊應援物，係好本土嘅一個舉動。附近有居屋同私人屋苑將會入伙，或者會影響餐廳生態，嚟緊都要靠大家