慈素小聚

Open Now

Now Closed

【油尖旺區】【慈素小聚】見過唔少 foodie 朋友介紹過呢間尖沙咀隱世素食店，同皮蛋哥喺附近出現咗就搵搵佢，估唔到比想像中方便好多，就喺地鐵出口對面幢樓上去就係。上到去就覺得好似世外桃源咁，裝修幾雅致，坐得好舒服。皮蛋哥一嚟就試 $98 嘅「梅菜肉餅飯」，素嘅。佢都話佢幾中意食素肉餅嘅軟糯感，呢間係做得到嘅，我食咗幾啖都覺得係幾正。之後試 $118 嘅「意大利香草忌廉天使麵配素豬排」，個香草忌廉天使麵本身都唔太需要加葷腥，係好食嘅。而素豬扒炸得都幾 deep，出現喺天使麵上面吊吓味點綴吓係幾好。跟住試 $88 嘅「越南法包三明治」，係佢哋新出嘅產品，平時用肉去製作嘅越式法包就食得多，素食嘅就真係第一次。而食落味道都好好，仲辣辣哋，非常惹味。我哋仲試咗 $48 嘅「黑松露蘿蔔糕」做小食，有三款醬點蘿蔔糕，係唔同嘅享受，味覺嘅昇華。呢度仲有甜品，$58 嘅「紐約芝士蛋糕」係佢哋嘅新產品，試咗都覺得唔錯呀。嘢飲方面佢試 $38 嘅「栗子烤奶」，我就試 $38 嘅「香芋鮮奶」，都幾好飲。埋單 $486 確實唔貴，有時想食吓素食，喺尖沙咀呢啲旺區都唔知可以點嗰陣，呢個會係舒服嘅選擇。。。（地址