荔源粥麵店

Open Now

Now Closed

【深水埗區】【新荔源】呢排有啲唔舒服，食極藥都係咁嘅樣，所以諗住食吓粥。不過公司附近啲粥舖好似十間有九間都執咗，所以要搭車去遠少少食。搜尋吓就見到深水埗呢邊有好幾間粥舖，是但入一間睇吓，呢間見佢幾就腳同光猛，就用佢。入到去幾有七八十年代啲食堂嗰啲 feel，話明要食粥就整碗 $34 嘅「艇仔魚腩粥」，唔知佢個錢係點計出嚟嘅，不過係合理價錢就算數啦。味道上都可以，係啲魚腩偏少同埋骨多，有少少令人食得唔係好自在，其他方面都好。之後就食個 $20 嘅「鮮蝦腸粉」，嚴格嚟講我係食佢先嘅，因為碗粥太熱，食咗幾啖就專心食腸粉。佢啲蝦唔係平時啲蝦仁咁大隻，係用咗細隻啲嘅蝦，味道都正常。啲腸粉就好似稍為煎過咁，所以好似焦焦哋，有少少脆口。講到自己想食健康啲但又忍唔到口咁叫咗碟 $9 嘅「煎堆」，係真係好鬼油。味道方面就正正常常，冇乜特別。最特別係 $9 嘅枝裝「凍自製鮮豆漿」，九蚊一枝真係好平，飲落都真係中伏，蔗汁溝菊花蜜咁，完全冇豆味嘅。夾埋又食咗 $72，不過平時少食呢啲就冇乜所謂啦。特登留個空間喺尾段係想同啲真係有睇晒成篇嘢嘅讀者講吓，呢篇係 1am0991，即係 1ambackup 嘅第 99