金鳳大餐廳 (D2 Place TWO)

Open Now

Now Closed

【深水埗區】【金鳳大餐廳】同大學同學耀哥好耐冇見，最近佢遇到一啲困難，我作為「問題解決師」兼「解決問題界 KOL」，當然要挺身而出、拔刀相助。不過佢嗰啲其實好小事啫，三兩吓手勢就解決咗，起碼唔使我用腦先。不過既然出咗嚟，咪食個飯囉，當大家聚吓舊都好吖嘛。佢話想食金鳳，我哋就去咗荔枝角 D2 Place Two 嘅分店，叫咩扒都好，實有「牛油餐包」同「餐湯」，質素都係咁上下，冇咩好講。我就食 $218 嘅「貴族牛扒」，即係美國牛肩肉，要五成熟、蒜蓉汁、鐵板上，食落唔係太大份，不過味道算係過得去嘅。佢就要 $190 嘅「每月特選晚餐」，有「胡麻醬蟹棒沙律」、「鐵板帶子西冷牛扒」，佢要五成熟、蒜蓉汁，仲有晚餐甜品「朱古力雪糕」，佢就話正常水準。餐飲佢要「凍檸茶」，我要「凍奶茶」，加埋一埋單 $449，算啦我畀啦，一餐半餐我豪得起嘅。。。（地址：荔枝角長順街15號D2 Place TWO 3樓312號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delici