Video
Read full review
2023-05-18
325 views
繼上次食完佢嘅姊妹店, 今次終於食到迷你毛啦!!!! 今次book咗平日食, 店舖位置始終唔係好旺嘅位置，平日夜晚又未至於話full。 溫泉蛋什菌牛肝菌汁貓耳朵粉 牛肝菌汁好香好cream，呢間店D什菌好有趣地落冬菇，不過成件事都夾嘅，味道唔錯。 成日覺得溫泉蛋撈咩都好好食，唔會有違和感，不過覺得向呢個粉上就冇咩特別畫龍點睛嘅作用啦!香煎虎蝦海鮮牛油果米型粉 除咗大大隻虎蝦外，海鮮方面都仲有幾隻墨魚仔，虎蝦就正常凍貨質素，墨魚仔比較OK。幾比較欣賞佢個牛油果米型粉。米型粉食落似淋D嘅Risotto，融入咗牛油果意粉汁，味道唔錯，本身個汁已經唔膩，再加埋檸檬汁同埋魚籽，口感同味道更加突出! ❤️意大利雲吞配軟殼蟹冬蔭功泡沫軟殼蟹炸得唔錯，食落都仲脆。冬蔭功泡沫個汁顏色偏黃，睇落唔多似冬蔭功汁，但事實上冬蔭功夠重，再配合芝士滿滿嘅意大利雲吞。大愛!🔥安格斯牛腰扒配阿根廷青醬 大推! 雖然冇得揀牛扒嘅熟度，但佢有咬口得嚟都有少少嫩嘅感覺，熟度大概7成同冇乜血水！醬汁方面除咗青醬，仲有粗鹽同佢嘅特製醬汁（應該係梨/木瓜味？！），幾款醬汁俾到唔同嘅味蕾享受。🔥法式多士 呢款多士好受歡迎，見好多檯都
繼上次食完佢嘅姊妹店, 今次終於食到迷你毛啦!!!! 今次book咗平日食, 店舖位置始終唔係好旺嘅位置，平日夜晚又未至於話full。
溫泉蛋什菌牛肝菌汁貓耳朵粉
牛肝菌汁好香好cream，呢間店D什菌好有趣地落冬菇，不過成件事都夾嘅，味道唔錯。 成日覺得溫泉蛋撈咩都好好食，唔會有違和感，不過覺得向呢個粉上就冇咩特別畫龍點睛嘅作用啦!
香煎虎蝦海鮮牛油果米型粉
除咗大大隻虎蝦外，海鮮方面都仲有幾隻墨魚仔，虎蝦就正常凍貨質素，墨魚仔比較OK。
幾比較欣賞佢個牛油果米型粉。米型粉食落似淋D嘅Risotto，融入咗牛油果意粉汁，味道唔錯，本身個汁已經唔膩，再加埋檸檬汁同埋魚籽，口感同味道更加突出!
❤️意大利雲吞配軟殼蟹冬蔭功泡沫
軟殼蟹炸得唔錯，食落都仲脆。冬蔭功泡沫個汁顏色偏黃，睇落唔多似冬蔭功汁，但事實上冬蔭功夠重，再配合芝士滿滿嘅意大利雲吞。大愛!
🔥安格斯牛腰扒配阿根廷青醬
大推! 雖然冇得揀牛扒嘅熟度，但佢有咬口得嚟都有少少嫩嘅感覺，熟度大概7成同冇乜血水！醬汁方面除咗青醬，仲有粗鹽同佢嘅特製醬汁（應該係梨/木瓜味？！），幾款醬汁俾到唔同嘅味蕾享受。
🔥法式多士
呢款多士好受歡迎，見好多檯都叫。 法式多士做到焦糖化嘅表面，入面就係浸滿蛋汁嘅麵包😋，就算冇汁都已經好好食，不過有埋Vanilla Custard同埋水果係有加分嘅。 配合埋雙色雪糕同朱古力脆脆，滿分❤️
🔥Earl Grey Latte ($40)
一入口已經有濃濃嘅Earl Grey味，但係就唔算甜，呢點幾好!
Chocolate Latte (Cold)
雖然只係一杯凍朱，但係佢造型上都做到似Dirty咁有D朱古力掛杯!
Matcha Latte ($45)
有濃郁嘅抹茶味，奶泡綿密，與抹茶的苦甜相得益彰。
🔥火龍果乳酪($46)
顏色鮮艷，好有夏天嘅感覺🥰火龍果肉同籽增加咗口感，乳酪酸酸酸甜甜咁，飲落好清爽。
今次滿意度幾高，不過覺得係份量較少，同埋收得比較早 (收9點)。
溫泉蛋什菌牛肝菌汁貓耳朵粉
$105
31 views
0 likes
0 comments
香煎虎蝦海鮮牛油果米型粉
$138
30 views
1 likes
0 comments
安格斯牛腰扒配阿根廷青醬
$158
27 views
2 likes
0 comments
意大利雲吞配軟殼蟹冬蔭功泡沫
$148
23 views
1 likes
0 comments
法式多士
$84
19 views
1 likes
0 comments
Chocolate Latte & 火龍果乳酪
12 views
0 likes
0 comments
Earl Grey Latte & Macha Latte
17 views
0 likes
0 comments
Post
