昼月

Open Now

Now Closed

【灣仔區】【昼月】第一次同一位女性朋友食飯，約喺銅鑼灣呢啲地方食日本菜就比較穩陣。見呢間好似好多好評、好受歡迎咁，就去試吓。去到之後朋友好中意佢哋和風裝修，非常好。侍應推薦我哋試 10 月新菜單裡面嘅「冬日松葉蟹，和牛宴」，真係 menu 都未見，試啦。套餐包「酒淆」不過我哋唔飲酒就冇要到，「漬物三點」整得好好食，好開胃。跟住個魚乾小食都好味，點埋沙律醬仲正。再之後試埋「蟹肉春卷」，好少用蟹肉咁樣炸，好特別。而「松葉蟹刺身四點」個蟹腳好多汁，好味，其他三款刺身都鮮甜味美。試埋香濃順滑嘅「松葉蟹甲羅燒」之後就開爐試個「壽喜燒鍋」喇，本身鍋裡面嘅「雜錦野菜」已經勁足料，落埋「A5和牛西冷」、「A5和牛片」同「日本豬梅片」更加係超高級享受。唔好以為好似唔係好多咁，其實嗰下我哋已經飽，最後都食唔晒呢個。因為套餐仲有個「北海道三色丼」，配料有日本海膽、松葉蟹肉同三文魚子，鮮味十足，講話飽但都勁快食晒。最後仲有個甜品係雪糕牛角窩夫，埋個靚尾。價錢係 $680 位，第二位半價，第三位以後七折，幾抵，最抵係佢包埋 $98 嘅三個鐘清酒任飲嘛。。。（地址：銅鑼灣謝斐道535號Tower 535 3樓30