Chulo Nepalese Home Cooking

Open Now

Now Closed

見到人話尼泊爾素食，喺冇得去旅行既日子，食啲唔同地方既食物就當去左旅行，咁就黎一場尼泊爾之旅啦。入到去餐廳係一個香港人都冇，全部都係尼泊爾樣既人！好彩menu係中英對照，都叫做可以睇下有乜食，不過同印度餐一樣，就算睇得明餐牌啲字，都唔會估到係食啲乜，所以都係亂啲點。Vegetarian Roti Set 素菜薄餅套餐 - 套餐有三餸一湯同薄餅，另外仲有中間果堆加料，其實除左白菜之外其他都唔係好知係乜黎。個湯幾好飲，有啲豆味咁。Vegetarian Dido Set 素菜迪多套餐 - 依個套餐啲餸同薄餅套餐係一樣既，只係個主食由薄餅變左一舊不知名既麵團。你以為佢係麵包？少年真係太天真，依舊係一舊完全冇發酵過既麵粉團，好實好dense，感覺係食一世都食唔哂⋯⋯店主見我地食得好辛苦，就解釋話依舊野係好heavy，問我地會唔會想轉飯。由於我地已經飽到上心口，所以婉拒左佢既好意。Mixed Veg Pakoda 炸雜錦素菜小食 - 依個好食，炸得好香脆。雖然話係雜錦素茶，但基本上食到既好似都係洋蔥。3樣野加埋先100蚊多啲，仲要勁飽肚，不過就唔太啱我地胃口，試一次就夠了。