Video
Read full review
2022-10-11
812 views
上環位置一向都唔多韓國餐廳，而呢間係少有一間位置相對寬敞味道又唔錯嘅韓國餐廳。餐廳本身已經開左超過30年，入面好多員工都係老員工。門口本身都有心設計過，有好多唔同嘅裝飾品，而內部就類似太平餐館果種懷舊風格，連員工衣著都係一樣。如果您一大班人午餐，佢仲會安排包廂比您，不設最低消費，成個環境都非常舒適，好適合見客或一班人午餐聚會。———————————————🌟牛肋骨湯 $90 一般入面都會有兩至三舊牛肋骨同蘿蔔，仲會配埋一隻雞蛋係面頭。湯底味道調得岩岩好，煲出左牛嘅味道，再加上蘿蔔本身嘅甜味，再以大蔥調味。而牛肉本身亦已經煲腍左，軟爛醇香。重口味嘅朋友仲可以自行加鹽調味，一樣唔影響湯底本身嘅美味！.🌟炆牛骨煲 $118牛骨煲價錢相對比較貴，但用料上更多，味道亦相對濃厚。對比牛肋骨湯，呢個更注重牛肉本身肉質如何同埋調味足唔足，本身嘅汁就唔係以飲用為目的，所以味道都會比較重。牛骨炆得非常入味，食落口嘅時候亦都感覺到有滿滿嘅骨膠原。.🌟鐵板燒牛肉 $105呢碟菜式相對比較普通，同正常韓國餐廳一樣，牛肉調味偏甜少少，但份量上真係比足料，最啱同朋友仔Share嘅時候叫！.🌟韓式豬什湯 $90本人本
———————————————
🌟牛肋骨湯 $90
一般入面都會有兩至三舊牛肋骨同蘿蔔，仲會配埋一隻雞蛋係面頭。湯底味道調得岩岩好，煲出左牛嘅味道，再加上蘿蔔本身嘅甜味，再以大蔥調味。而牛肉本身亦已經煲腍左，軟爛醇香。重口味嘅朋友仲可以自行加鹽調味，一樣唔影響湯底本身嘅美味！
.
🌟炆牛骨煲 $118
牛骨煲價錢相對比較貴，但用料上更多，味道亦相對濃厚。對比牛肋骨湯，呢個更注重牛肉本身肉質如何同埋調味足唔足，本身嘅汁就唔係以飲用為目的，所以味道都會比較重。牛骨炆得非常入味，食落口嘅時候亦都感覺到有滿滿嘅骨膠原。
.
🌟鐵板燒牛肉 $105
呢碟菜式相對比較普通，同正常韓國餐廳一樣，牛肉調味偏甜少少，但份量上真係比足料，最啱同朋友仔Share嘅時候叫！
.
🌟韓式豬什湯 $90
本人本身唔係好喜豬肉，但呢個菜色係最受同事吹捧嘅一個菜色，其中一位同事相對崇尚韓流，去過好多次韓國食過好多唔同嘅韓國餐廳，而呢間嘅豬什湯佢一直都讚不絕口。用料足夠，湯入面有原條血腸，唔算太辣但湯底濃厚，充滿肉汁嘅味道，如果您本身都鍾意飲豬什湯，一定唔可以錯過梨花苑嘅韓式豬什湯。
.
🔶整體評價🔶
呢間餐廳食物質素其實一直都好好，如果大家係鍾意食韓國菜我係十分推薦。不過呢幾年服務確實係有所下降，前菜由無限任添變成只上一次，飯後水果亦都已經取消，而且樓面經常人手不足，可能要催好多次先會有食物。入面嘅員工好多都已經上年紀，加上佢地真係非常忙碌，大家可能都要有心理準備佢地嘅服務態度未必好好，同埋用餐時間間相對都可能要預多少少。
.
✨優惠小貼士✨
恒生信用卡可享9折優惠 (超抵😆）
.
🔸味道：8/10
🔸環境：7/10
🔸服務：5/10
🔸打卡指數：4/10
———————————————
🍽️梨花苑韓國料理
📍上環德輔道中247號德祐大廈1樓
1/F, 247 Des Voeux Rd C,, Sheung Wan
———————————————
👉🏻#hkchiller美食地圖_上環
👉🏻#hkchiller午餐推介
👉🏻#hkchiller韓國菜
Post
