灘五郷

Open Now

Now Closed

由於爺爺嫲嫲👴🏽👵🏻家住灣仔船街嘅關係，所以阿叔細細過就喺呢度蒲大，仲記得每次返去做完節，就最鍾意同堂哥、堂細佬去附近嘅公園玩瀡滑梯，呢條滑梯唔講得笑架，真心好高又好斜，宜家應該無乜邊條可匹敵囉！🤣🤣🤣不過隨著合和嘅收購，呢幾年呢區嘅發展可以話面目全非，除咗已經有大型商場試業外，嚟緊合和酒店仲會年底開幕，當然附近都開咗唔少新餐廳，價錢大眾化之餘，選擇亦夠多，啱晒附近嘅上班一族。就好似今次阿叔去嘅呢間日式居酒屋，餐廳以暗黑風格為主，加上店外掛滿日式燈籠，非常型格。呢度嘅午餐選擇之多可以話係市面非常少見，一共16款嘅午市定食，海鮮丼飯、鰻魚定食、串燒、和牛、炸雞等，包羅萬有，真心一個月日日嚟食都唔會厭呢！🐟灘五郷季節刺身丼定食 ($268)刺身盆鋪滿成碗飯，絕對係極豐富嘅海鮮丼！一碗有齊伊佐木、鯖魚、魷魚、赤蝦、碎蔥吞拿魚、三文魚籽、赤身、中拖羅同海膽，款款新鮮，味道又鮮甜。隨餐包埋前菜、漬物、蟹肉蟹籽茶碗蒸同麵豉湯，值得一試呢架！