三代目 (愉景新城)

Open Now

Now Closed

【荃灣區】【三代目】同朋友慶生，佢只係有一個條件，就係食完飯之後要畀佢行 IKEA 買嘢。初初諗住喺青衣食，不過青衣冇 IKEA，如果喺青衣食完再入荃灣 IKEA 又好似太費時失事，咁就不如簡單直接唔好怯，入荃灣食咪得囉，咁都被我諗到喎。佢喺芸芸餐廳之中選擇咗呢間日本菜，畀佢揀有個好處，一陣我揀平嘅，又好似好寒酸，揀貴嘅，又好似好傷，仲要未必好食，咁佢揀咗呢間睇落都好似幾好咁，就入去啦。初初以為佢好細，原來佢有兩邊，加埋就唔細喇。主食我哋叫咗 $108 嘅「三盛燒肉丼」，有煙燻雞、五花肉、牛舌，睇圖好靚，上菜時以為係吉野家。食落就覺得佢個飯好食，吸引過啲餸，好笑。之後到 $108 嘅「燒喜之次」，只能夠講係正常嘅好食，未必會有下次咁。之後食串燒，叫咗 $108 嘅「牛之拼盤」，有牛舌、一口牛、牛肉蘆筍，唔太好，甚至會質疑佢有冇真係燒過。反而之後 $118 嘅「海之天婦羅」有驚喜，有蝦、鯛魚、黑松露帶子、墨魚、紫蘇葉，炸得幾好，幾樣都好食。難得開開心心，飲少少酒，叫咗杯 $68 嘅「Suntory 金啤」，佢做緊第二杯半價，所以第二杯係 $34，一人一杯啱啱好，夠凍又好飲，正。成餐飯夾埋