Video
Read full review
2023-05-05
170 views
【荃灣區】【銘陽車仔麵】大家都知我呢排狀態麻麻，我亦都唔想自己嘅唔開心會影響到其他人，所以都係靜靜哋同荃灣嘅「酒局 Beerapy」買啲啤酒飲吓就算，之前都介紹過佢哋，無謂騎劫埋呢個 post 喇。買完酒，搵啲嘢食吓就去咗路德圍呢邊。呢頭同廿幾年前當然大不相同，不過有個共通點就係夜晚都係好多人。以前萬亞玩具仲喺度嗰時，啲枱櫈會鋪到滿晒，條路係行唔到嘅。而家只係人多，主力都係排豆腐花、手搖杯同埋日式手卷，連十八座狗仔粉都有人龍你就知旺舖點解咁貴租。咁呢頭嘅康樂茶冰廳我就已經食過，亦都冇興趣寫爭鮮。之前受邀請去幫佢寫過嘢嘅泰谷，之後都已經結業，比較可惜。咁我究竟食乜好呢？之前成日見佢搵個人棟喺度舉牌嘅嗰間車仔麵，今日冇人棟喺度，咁就去睇吓佢發生咩事啦。驟眼睇見到呢間銘陽車仔麵都幾多人圍喺度等外賣，但其實堂食嘅位都係有嘅，仲有一個位，咁我就入去坐啦。其實想試佢好耐係因為見佢一直都願意請個智力未必完全正常嘅人舉牌，都叫幫到唔同界別人士融入社會，誠然係善意之舉嚟。我發覺佢都幾多選擇，但係有啲幫你揀好晒嘅組合真係幫到選擇困難症嘅重症患者，例如我。咁我就叫一個「金牌什錦六餸麵」，選擇咗「豬脷、蟹柳、
呢頭同廿幾年前當然大不相同，不過有個共通點就係夜晚都係好多人。以前萬亞玩具仲喺度嗰時，啲枱櫈會鋪到滿晒，條路係行唔到嘅。而家只係人多，主力都係排豆腐花、手搖杯同埋日式手卷，連十八座狗仔粉都有人龍你就知旺舖點解咁貴租。
咁呢頭嘅康樂茶冰廳我就已經食過，亦都冇興趣寫爭鮮。之前受邀請去幫佢寫過嘢嘅泰谷，之後都已經結業，比較可惜。咁我究竟食乜好呢？之前成日見佢搵個人棟喺度舉牌嘅嗰間車仔麵，今日冇人棟喺度，咁就去睇吓佢發生咩事啦。
驟眼睇見到呢間銘陽車仔麵都幾多人圍喺度等外賣，但其實堂食嘅位都係有嘅，仲有一個位，咁我就入去坐啦。其實想試佢好耐係因為見佢一直都願意請個智力未必完全正常嘅人舉牌，都叫幫到唔同界別人士融入社會，誠然係善意之舉嚟。
我發覺佢都幾多選擇，但係有啲幫你揀好晒嘅組合真係幫到選擇困難症嘅重症患者，例如我。咁我就叫一個「金牌什錦六餸麵」，選擇咗「豬脷、蟹柳、白菜餃、冬菇、魚片頭、芽菜」做餸，配「招牌鮮切麵」做麵底，加「炸蒜、沙嗲醬」。
味道上，碗麵就真係好鬼「嗱渣」，不過炸蒜同沙嗲醬撈埋落去之後，又好有打邊爐 feel，乜都有嘅感覺真係幾唔錯。雖然兜嘢真係冇一樣嘢係突出嘅，不過我都覺得算係咁，起碼多重口味先。而碗嘢我都好快清晒，起碼証實到佢唔算難食先。
嘢飲我揀咗凍「麥草蜂蜜」，個麥草味真係有啲奇怪，好彩蜂蜜頂到吓，都算完成到。埋單 $62 就唔算平，不過充吓飢我覺得 okay 嘅。最後提醒返，我唔太想將「銘陽」同「智障人士」扣埋一齊，應該鼓勵多啲企業一齊建立多元社會就真。。。
（地址：荃灣路德圍荃興徑17號C舖）
#1amfoodie #foodie #hkfoodie #thatfoodiething #hkfood #food #1ambackup #1am0510 #foodies #tasty #globaleats #followforfollowback #love #eat #1am荃灣區 #荃灣 #銘陽車仔麵 #路德圍 #車仔麵 #台式飲品 #金牌什錦六餸麵 #招牌鮮切麵 #麥草蜂蜜 #豬脷 #蟹柳 #白菜餃 #冬菇 #魚片頭 #芽菜 #黃店
6 views
0 likes
0 comments
Post
