Video
Read full review
2024-09-08
285 views
平時去荃灣食完飯都會行吓Donki，走果時總會見到呢間餐廳，見menu都幾抵食，環境又唔錯，今次終於食到啦！叫咗個Set for 2，$538包餐湯、2個前菜或甜品同埋2個主菜，部分餐點需加錢，唔覺唔覺都叫到幾貴𠻹🫣，不過「辛苦搵來至在食」，對自己好啲，豪食一餐半餐無所謂啦😬～～～～🌖紅蘿蔔湯&法包紅蘿蔔湯清爽唔會有草青味，略帶酸味夠開胃；法包煙韌有𡁻口，單食或者沾湯食都唔錯。🌖空運黑青口 350g +$25青口肥美，乾淨無沙，白酒煙肉忌廉汁味道清爽，唯煙肉味道稍鹹，份量減半會更好。🌖原隻烤龍蝦 +$135原隻龍蝦肉質爽彈，膏多肉嫩，龍蝦鉗仲已經剝好殼，超級貼心！表面嘅芥末荷蘭醬汁略帶芝士味，香濃鹹香。🌖阿根廷安格斯牛脊肉 +$55 煎鴨肝+$78牛脊肉本身較少油脂，就算係五成熟都一定會較結實，配上油潤感較強嘅鴨肝砵酒醬汁就啱啱好！煎鴨肝都幾厚身，表面煎得香脆，配搭係牛脊肉上嘅呢個組合係幾唔錯👍🏻。🌗巴黎式芝士蛋糕蛋糕芝士味濃，中間嘅果醬味道較酸，食完都好清爽。🧠識多一點點青口有「一撮毛」，請別誤會是海草，它其實是足絲，讓它在海洋抓住大石或其他物件之用。由於青口足絲未煮前太韌嘅關係很難
🌖紅蘿蔔湯&法包
紅蘿蔔湯清爽唔會有草青味，略帶酸味夠開胃；法包煙韌有𡁻口，單食或者沾湯食都唔錯。
🌖空運黑青口 350g +$25
青口肥美，乾淨無沙，白酒煙肉忌廉汁味道清爽，唯煙肉味道稍鹹，份量減半會更好。
🌖原隻烤龍蝦 +$135
原隻龍蝦肉質爽彈，膏多肉嫩，龍蝦鉗仲已經剝好殼，超級貼心！表面嘅芥末荷蘭醬汁略帶芝士味，香濃鹹香。
🌖阿根廷安格斯牛脊肉 +$55 煎鴨肝+$78
牛脊肉本身較少油脂，就算係五成熟都一定會較結實，配上油潤感較強嘅鴨肝砵酒醬汁就啱啱好！煎鴨肝都幾厚身，表面煎得香脆，配搭係牛脊肉上嘅呢個組合係幾唔錯👍🏻。
🌗巴黎式芝士蛋糕
蛋糕芝士味濃，中間嘅果醬味道較酸，食完都好清爽。
🧠識多一點點青口有「一撮毛」，請別誤會是海草，它其實是足絲，讓它在海洋抓住大石或其他物件之用。由於青口足絲未煮前太韌嘅關係很難拔走，所以一般都會煮熟後才拔掉。
另外青口肉有橙色及白色，而來係不同怯扛別，橙色係乸，白色係公，兩者口感及味道沒有分別。
Post
