Video
Read full review
2024-11-09
514 views
早排喺社交平台見到荃灣嘅人龍拉麵店 @ramentaifu.tsuenwan 終於翻新好一直都想去試，隔咗幾個月今日終於嚟到。😎呢間拉麵店屹立咗喺荃灣12年，區內區外嘅人都認識，不過佢之前嘅舖頭座位比較狹窄，可能食得唔太舒服。😣而家翻新咗成個環境光猛咗、座位亦都比較闊落。😚同時加入咗一啲動漫嘅元素，左邊嘅牆身更加搵咗Shinn Uchida 老師繪畫，真係一幅大型藝術作品。🥰🥰🥰所以整體嘅感覺都被之前嘅格局更加好。魚介豚骨拉麵 （+辣味芽菜） $93先試佢嘅湯底，一樣保持水準，濃香嘅豬骨味，之後仲會食到魚介嘅甜味，同堅節嘅煙熏香。☺️第一啖，感覺層次都幾豐富，佢嘅面質比較粗身彈牙，麥香中等，掛湯力不俗。👍🏻配料上比較特別嘅係佢哋嘅叉燒，佢哋嘅叉燒隨着店舖翻身亦都改良咗，採用豬腩肉慢煮製成，肉質軟腍，帶炙燒同醬油香味。😭😭😭另外佢哋嘅蛋同筍都好唔錯，尤其是佢哋嘅筍偏長條型，爽中帶甜，冇臭味。推薦鍾意食筍嘅朋友嚟試吓。😍另外小編自己加咗辣味嘅芽菜，撈埋落去個拉麵度，間唔中會食到啲爽口同辣椒香味，非常推薦。🤌🏼🤌🏼味道：8.4/10魚介豚骨沾麵 （+紫菜） $115沾麵嘅配料其實大同小異，唯獨
早排喺社交平台見到荃灣嘅人龍拉麵店 @ramentaifu.tsuenwan 終於翻新好一直都想去試，隔咗幾個月今日終於嚟到。😎
呢間拉麵店屹立咗喺荃灣12年，區內區外嘅人都認識，不過佢之前嘅舖頭座位比較狹窄，可能食得唔太舒服。😣而家翻新咗成個環境光猛咗、座位亦都比較闊落。😚同時加入咗一啲動漫嘅元素，左邊嘅牆身更加搵咗Shinn Uchida 老師繪畫，真係一幅大型藝術作品。🥰🥰🥰所以整體嘅感覺都被之前嘅格局更加好。
魚介豚骨拉麵 （+辣味芽菜） $93
先試佢嘅湯底，一樣保持水準，濃香嘅豬骨味，之後仲會食到魚介嘅甜味，同堅節嘅煙熏香。☺️第一啖，感覺層次都幾豐富，佢嘅面質比較粗身彈牙，麥香中等，掛湯力不俗。👍🏻
配料上比較特別嘅係佢哋嘅叉燒，佢哋嘅叉燒隨着店舖翻身亦都改良咗，採用豬腩肉慢煮製成，肉質軟腍，帶炙燒同醬油香味。😭😭😭
另外佢哋嘅蛋同筍都好唔錯，尤其是佢哋嘅筍偏長條型，爽中帶甜，冇臭味。推薦鍾意食筍嘅朋友嚟試吓。😍另外小編自己加咗辣味嘅芽菜，撈埋落去個拉麵度，間唔中會食到啲爽口同辣椒香味，非常推薦。🤌🏼🤌🏼
味道：8.4/10
魚介豚骨沾麵 （+紫菜） $115
沾麵嘅配料其實大同小異，唯獨比較特別嘅係佢會有冷麵同熱麵選擇，亦都可以喺麵或者湯到加入檸檬汁，令到成件事冇咁膩。🍋佢嘅湯底相對上感覺更加濃郁同濃稠，麵浸落去亦都特別掛湯。🫶🏻
另外一位小編非常鍾意食紫菜，所以就加咗一次嚟咗十塊🤣🤣🤣極度滿足。
味道：8.3/10
環境：8.2/10
服務：7.7/10
抵食：8/10
拉麵台風 (荃灣)
荃灣大河道85號寶成樓地下9號舖
#hk #hongkong #hkig #hkfoodie #hkfood #hkeat #香港美食 #食評 #香港食評 #香港生活 #香港必食 #荃灣 #荃灣美食 #拉麵 #ramen #noodle #日本 #日本菜 #ラーメンインスタグラマー #ラーメン倶楽部 #ramen #ラーメン #ラーメン部 #tsuenwan #tsuenwanfood #豚骨 #とんこつラーメン #魚介 #沾麵 #つけ麺
Post
