Video
Telephone
24197717
Opening Hours
Today
12:00 - 22:00
Mon - Sun
12:00 - 22:00
Above information is for reference only. Please check details with the restaurant.
呢間拉麵台風係一間喺荃灣開業多年嘅人氣拉麵店，平時行荃灣最出名嘅天橋或者搭巴士果陣都會成日經過見到，相信呢間拉麵店已經成為咗唔少人眼中嘅地標！聽講餐廳有時仲會有日本師傅駐場添啊，係正宗嘅日式風味啊～特盛魚介豚骨拉麵💰HK$123成碗拉麵超豐盛！足足有6片紫菜、兩片肥瘦均勻嘅日式叉燒、一整個半熟蛋、荀同埋芽菜！麵質韌性十足，而且掛湯能力高，特盛仲可以免費加麵變為200g麵添！湯底更加係整碗拉麵嘅精華所在，充滿住濃厚嘅魚介同埋豚骨風味，但同時又做到油而不膩，不愧為餐廳嘅招牌拉麵～紅色暴雨拉麵💰HK$88辣到揀咗小辣，味道係微微辣，唔會因為太辣而蓋過湯底嘅味道，仲係感受到好濃郁嘅魚介豚骨湯！推薦食得辣嘅朋友仔，挑戰吓呢到嘅9號風球辣🥹麵因為簡咗100g麵，所以可以按照個人喜好去換返半份配菜返來，另外仲有半個半熟蛋、一片日式叉燒、炙熱叉燒粒、荀、一片紫菜同埋芽菜，口感層次滿分～半熟蛋💰HK$18辣味芽菜💰HK$15微辣嘅味道再加埋爽脆嘅口感，同拉麵超夾～可樂💰HK$12另外，每張枱仲擺咗唔同嘅調味料，有蒜蓉、辣椒油、黑椒同埋七味粉等等，可以按照個人喜好加落去個麵到！個人最推薦呢到嘅辣椒油，甜甜辣辣，令到濃厚嘅湯底更惹味～
continue reading
#pb食在荃灣 #pb日式系列 荃灣人氣拉麵店搬新舖🍜呢間位於荃灣大河道開業12年嘅拉麵店經常大排長龍 絕對係荃灣地標之一🤪 佢前幾個月裝修左 搬左新舖 環境大左👍🏻 店內以動漫為主題 周圍擺滿好多Figures 亦有好多動漫漫畫😍 店內座位雖然都幾多 但平日夜晚有機會要排隊等下🥰.佢主要有4款拉麵 包括魚介豚骨拉麵、紅色暴雨拉麵、骨膠原撈麵、伊台風😋 普通份量價錢$78-$98不等🤪 特盛份量會有埋配料 價錢$123-$143不等👍🏻🔹特盛魚介豚骨拉麵🍜🔹特盛魚介豚骨沾麵🍜推介❤️ 魚介豚骨湯底口感偏厚身 味道好濃郁 但又唔會有漿口嘅感覺👍🏻 拉麵麵質彈牙 沾麵有得揀凍 / 熱🥰 特盛份量包左辣豆芽、腩肉叉燒、紫菜、半熟蛋、竹筍😍 特別一讚佢嘅腩肉叉燒 肥瘦適中 肉質好淋😋.整體✨ 呢間開業12年嘅荃灣拉麵店一向好受歡迎 最近裝修左 環境大左、闊落左👍🏻 佢主要有4款拉麵 今次試左招牌魚介豚骨湯 湯底厚身、濃郁 拉麵麵質彈牙😋 一定會繼續支持佢🥰拉麵台風 (荃灣) · 🤝🏻🤪荃灣大河道85號寶成樓地下9號舖
continue reading
桃芝冇夭夭，放工梗係要出嚟賀一賀佢荃灣呢間拉麵店，仍然排長龍㗎！不過裝修完，多咗位，好快就入得去食胃弟一見到呢碗紅色暴雨級辣度，就好想挑戰呢個難度，向桃芝致敬咁話特盛唔加錢可以揀200g拉麵，一上檯真係滿碗紅坐喺對面嘅大胃都聞到陣辣除，怕辣嘅大胃食佢兩啖，以麻居多但好快辣味就由喉嚨深處回湧，太厲害喇大胃都係安胃守己咁食佢地嘅招牌魚介豚骨拉麵，最多嗌埋特盛食飽啲魚介粉鋪喺麵上，有微辣芽菜亦有足足六塊紫菜，撈勻嚟食湯底好濃魚味特盛嘅話一碗有成三大條叉燒，索晒豚骨精華，又香又綿筍都係大大條，同樣入晒味好爽口溏心蛋勁靚仔，連湯食雙重享受每檯都有水可以任斟，亦有調味可以自由添配。但一見到鹽味梳打，就覺得好打耳，飲落又真係幾趣致，甜甜鹹鹹幾得意
continue reading
「有咩係日日食唔厭⁉️ 日本拉麵🍜」呢間拉麵店其實大家都認識，就係屹立喺荃灣多年嘅人氣拉麵店，新店嘅裝修好光猛闊落，入面仲有好多動漫元素，我諗店主一定鍾意睇漫畫，所以一入去就好似去咗轉日本咁，即刻嚟兩碗拉麵試吓先啦！🐟🐷魚介豚骨拉麵 $78🌪️台風的定番拉麵，必試！首先講咗湯底先：豚骨混合魚介風格，質地係偏向濃稠，所以一入口會感受到好濃郁嘅鹹香味，但係唔會太鹹食唔到，湯質地好順滑易入喉，仲食到小量黑椒味，紫菜上面仲加咗勁多大地魚粉？係一個貫徹日式風格嘅拉麵！麵質本身偏粗身同硬，但好在煮得啱啱好，所以呢個拉麵軟硬啱啱好，都掛到小小湯，隔離仲放置咗蒜蓉、辣醬、七味粉、黑椒，可以再調配自己啱嘅口味，但係即使唔加調味，味道都已經足夠！🐷叉燒勁厚切，表面已經見肥膏，屬於五花腩嘅部，喜歡食肥叉嘅朋友唔好錯過啦（即係我）！仲有芽菜同埋筍，加埋一齊食冇咁單調，筍屬於長條型，入口爽甜，唔會有臭筍味，🥚糖心蛋保持水準，全部一齊食可以增加口感！🍜呢個拉麵建議要混合所有野一齊食先至好味，我仲加咗少少辣粉🌶️增加風味！✨🐟🐷特盛魚介豚骨拉麵 $123一樣嘅湯底 - 特盛內含追加：叉燒1塊，紫菜5塊，蛋半隻，芽菜、筍各半份，🍜加咗之後勁多紫菜，個麵更加好食！🧂🩵鹽味梳打 $25第一次飲呢隻，我會簡單形容為：鹹味嘅波子汽水，鹹鹹甜甜咁幾特別！✨同行朋友話同以前味道唔同咗？！但我認為而家都唔錯，以香港拉麵店嚟講算係穩陣之處，得閒都可以再食！🩷另外呢間店好體貼，可以揀麵底嘅份量，如果叫100g麵可以送多一種配菜，咁樣就唔怕做大嘥鬼啦！👻
continue reading
拉麵台風喺荃灣屹立多年 之前經過都見到長長嘅人龍 最近搬咗新舖比以前多咗起碼一倍座位 而且更加闊落冷氣亦都好足啱晒食熱辣辣嘅拉麵成間舖頭由日本師傅主理 裝修滿滿動漫元素 牆身貼滿經典漫畫海報 仲有鬼滅之刃同我英嘅Figure擺設 等位時睇吓都唔會悶 ✧ 魚介豚骨拉麵 ($78) 呢碗鎮店招牌絕對係必試之作 湯底喺濃厚而且膠質十足嘅豚骨湯底上面加入咗好多好有鮮味嘅魚介粉 飲落去真係會忍唔住嘩一聲 魚介嘅鮮味同豚骨嘅油脂香完美融合 最正係完全唔會油膩到黐喉 麵質係粗麵掛湯能力高 每啖都係湯汁精華 叉燒肥瘦比例啱啱好 咬落去有炙燒香氣仲帶少少焦邊 ✧ 特盛配菜組合 加$45升級呢個特盛組合真係超值 組合足足有6片紫菜 兩片肥瘦均勻嘅日式叉燒 一整個半熟蛋 荀同埋芽菜 紫菜鋪滿成個碗邊 浸一浸湯即刻變得脆中帶軟 追加嘅叉燒比原本嗰塊更厚身 用火槍炙燒過嘅油脂香直衝鼻腔 半熟蛋流心效果完美 蛋黃撈埋魚介湯一齊食簡直係神仙組合 荀條切得粗身爽脆 芽菜仲帶微微辣勁 重點係特盛仲可以免費加麵變為200g 大胃王都絕對夠飽 ✧ 半熟蛋 ($18) 追加嘅半熟蛋絕對係靈魂所在 咬開蛋白即刻湧出橙紅色嘅流心蛋黃 蛋香濃郁得嚟帶微微醬油甜味 最抵讚係師傅掌握火候一流 蛋黃處於將凝未凝嘅完美狀態 撈埋湯底一齊食 蛋汁同魚介豚骨湯產生化學作用 鮮味層次即刻昇華 建議大家一定要追加呢個隱藏版美食每張枱都有自助調味架 蒜蓉、辣油、七味粉任君選擇 個人最推辣椒油 甜甜哋又夠香 加落湯底更加惹味 食完成碗麵仲可以免費飲埋冰水 即刻降溫又解膩 呢個價錢呢個質素 難怪開業十二年依然成日排長龍 想試嘅朋友記得早少少去排隊啦
continue reading