Video
Read full review
2021-11-29
1612 views
自從食過莆田酥炒芋芯之後，隔一排就心癮起想去食，認真講句$89碟大約11-13件芋芯其實都貴貴地，自己又煮唔到，加上係d手工菜真係焗住要幫襯！今日又癮起一個人去食真係要讚下，去邊間分店食都係keep到水準，次次食都係一樣咁好味(連d配菜都勁入味)！外層係脆卜卜糖衣，一咬就勁香芋頭味，成件事係勁香口！一個人掃哂成碟無難度！莆田扁肉湯除咗酥炒芋芯我都好鐘意食扁肉湯，一來我鐘意飲湯，二來d扁肉真係好入味，加上紫菜湯底真係無得輸，個人扣分位在有我最憎嘅莞茜調味，所以唔係次次都會叫酥炸冰心榴槤第一次試嘅甜品，其實一個人已經食到好飽下，榴槤愛好者兼想食埋甜品情況下先叫埋，上碟果陣係靚嘅，外層係炸皮，用匙羹打開後流出餡料，咁就開始食第一啖la，一食就好奇怪？底層黃色汁以為係榴槤底，食多啖都諗唔到係咩？再食多幾啖先食到係粟米汁做底，成件事係有d唔夾，榴槤餡係好食嘅，不過粟米汁就令到個甜品扣好多分莆田地址：尖沙咀彌敦道118-130號美麗華廣場2期2樓269-270號舖
自從食過莆田酥炒芋芯之後，隔一排就心癮起想去食，認真講句$89碟大約11-13件芋芯其實都貴貴地，自己又煮唔到，加上係d手工菜真係焗住要幫襯！今日又癮起一個人去食
真係要讚下，去邊間分店食都係keep到水準，次次食都係一樣咁好味(連d配菜都勁入味)！外層係脆卜卜糖衣，一咬就勁香芋頭味，成件事係勁香口！一個人掃哂成碟無難度！
莆田扁肉湯
除咗酥炒芋芯我都好鐘意食扁肉湯，一來我鐘意飲湯，二來d扁肉真係好入味，加上紫菜湯底真係無得輸，個人扣分位在有我最憎嘅莞茜調味，所以唔係次次都會叫
酥炸冰心榴槤
第一次試嘅甜品，其實一個人已經食到好飽下，榴槤愛好者兼想食埋甜品情況下先叫埋，上碟果陣係靚嘅，外層係炸皮，用匙羹打開後流出餡料，咁就開始食第一啖la，一食就好奇怪？底層黃色汁以為係榴槤底，食多啖都諗唔到係咩？再食多幾啖先食到係粟米汁做底，成件事係有d唔夾，榴槤餡係好食嘅，不過粟米汁就令到個甜品扣好多分
莆田
地址：尖沙咀彌敦道118-130號美麗華廣場2期2樓269-270號舖
Post
