米走雞Live

Open Now

Now Closed

朋友話想食雞煲，話食開旺角個間米走雞幾正，今次來到觀塘區，見到米走雞食，就來試下呢間分店。我地來到開時候時間尚早，所以都未算坐爆。餐廳環境好大，比人感覺好舒服。落單之後，個麻辣雞煲都好快上菜。雞煲辣度剛剛好，而且好夠味，相當過癮，質素覺得係合格架！雞煲入面仲有洋蔥、芫茜等等。雞件都相當足料，啖啖肉，一d都唔馬虎。雞件食完之後，就可以叫店員來加湯，開始我地嘅邊爐night啦！轉換程火鍋模式後，M5和牛餃成為全檯焦點！咬落去嘅時候，外皮略帶韌性，內餡多汁鮮美，牛肉香氣四散。沙白蜆新鮮飽滿，肉質緊實，帶一絲嘅清甜，煮熟之後輕輕一吸就可以品嚐到鮮美嘅湯汁。脆鯇片落湯底之後，好快就變得好柔軟。魚肉索曬湯底嘅精華，即刻juicy左，而且仲食到個陣鮮甜嘅味道。